మోడీ మూడోసారి భారత ప్రధాని కావడానికి ప్రయత్నిస్తా: మంద కృష్ణ మాదిగ

దిశ, వెబ్‌డెస్క్: మోడీని మూడోసారి భారత ప్రధానిని చేసేందుకు ప్రయత్నిస్తానని ఎమ్మార్పీఎస్ జాతీయ అధ్యక్షుడు మంద కృష్ణ మాదిగ అన్నారు. శుక్రవారం వరంగల్‌లో ఏర్పాటు చేసిన మీడియా సమావేశంలో ఆయన మాట్లాడుతూ.. నిజమైన ఎస్సీలకు రిజర్వేషన్ ఫలాలు దక్కాల్సిన అవసరం ఉందన్నారు. స్టేషన్ ఘన్ పూర్ ఎమ్మెల్యే కడియం శ్రీహరి నిజమైన ఎస్సీ కాదని గతంలో సీఎం రేవంత్ రెడ్డి చెప్పారు.. నకిలీ ఎస్సీ రిజర్వేషన్లు కొల్లగొడుతున్నారని అన్నారు.. మరీ ఇప్పుడు నిజమైన ఎస్సీ కాదంటూనే శ్రీహరి కుమార్తె కడియం కావ్యకు వరంగల్ లోక్ సభ కాంగ్రెస్ ఎంపీ టికెట్ ఇచ్చారని ఫైర్ అయ్యారు.

పార్టీలు కులమతాలకతీతంగా అజెండాలో లేని అంశాలను ముందుకు తీసుకెళ్లాలనని విజ్ఞప్తి చేశారు. దశల వారీగా ఎస్సీ సమస్యల పరిష్కారం కోసం కృషి చేస్తానని హామీ ఇచ్చారు. కాగా, ఎస్సీ వర్గీకరణకు కట్టుబడి ఉంటామని బీజేపీ హామీ ఇవ్వడంతో మందకృష్ణ మాదిగ అసెంబ్లీ, పార్లమెంట్ ఎన్నికల్లో ఆ పార్టీకి మద్దతు తెలుపుతోన్న విషయం తెలిసిందే.