పశుగ్రాసాన్ని తగలబెట్టిన దుండగులు

రైతుకు రూ.40 వేల పైగా నష్టం

దిశ, మిడ్జిల్: రెండు ట్రాక్టర్ల పశుగ్రాసాన్ని గుర్తు తెలియని దుండగులు నిప్పు పెట్టి దగ్ధం చేసిన ఘటన మంగళవారం మిడ్జిల్ మండలంలో చోటుచేసుకుంది. వివరాల్లోకి వెళితే.. మండల పరిధిలోని మచిగుండ్లపల్లి గ్రామానికి చెందిన రైతు ఆర్.యాదయ్యకు చెందిన రెండు ట్రాక్టర్ల ఎండు గడ్డిని గుర్తుతెలియని దుండగులు నిప్పు పెట్టడంతో సుమారు రూ.40వేల విలువ గల పశుగ్రాసం కాలి బూడిదైంది. విషయం తెలుసుకున్న రైతు కాదయా తన వ్యవసాయ కులం వద్దకు చేరుకొని తగలబడుతున్న గడ్డిని ఆర్పే ప్రయత్నం చేసిన ఫలితం లేకుండా పోయింది. ఎండాకాలంలో పశువులకు మేత ఉండదనే ఉద్దేశ్యంతో ముందస్తుగా రూ.40వేలు ఖర్చుపెట్టి రెండు ట్రాక్టర్ల గడ్డి కొనుగోలు చేశామని యాదయ్య తెలిపాడు. మూగజీవాలకు వేసే పశుగ్రాసాన్ని దగ్ధం చేసిన దుండగులను గుర్తించి వారిపై కఠిన చర్యలు తీసుకోవాలని యాదయ్య స్థానిక పోలీస్ స్టేషన్ లో ఫిర్యాదు చేశాడు.