ఈ జిల్లాలో జవహర్ నవోదయ ప్రవేశాలకు నోటిఫికేషన్‌

దిశ ,బిజినేపల్లి : నాగర్ కర్నూలు జిల్లా బిజినాపల్లి మండలం వట్టెం గ్రామ పరిధిలోని జవహర్ నవోదయ విద్యాలయలో ప్రవేశాలకు నోటిఫికేషన్ విడుదల చేశారు. 2025-2026 విద్యాసంవత్సరం 9వ, 11వ తరగతులలో ఖాళీగా వున్న సీట్లలో ప్రవేశానికి అర్హులైన అభ్యర్థుల నుంచి ఆన్ లైన్లో దరఖాస్తు చేసుకునే గడువు ఈ నెల 9తో గడువును నవంబర్ 19 వ తేదీ వరకు పెంచినట్లు ప్రిన్సిపాల్ పి.భాస్కర్ కుమార్ ఒక ప్రకటనలో తెలిపారు . ఉమ్మడి మహబూబ్ నగర్ జిల్లాలోని విద్యార్థులు ఈ అవకాశాన్ని వినియోగించుకోవాలని, విద్యార్థుల అభ్యర్థన మేరకు గడువు పెంచారని ఆయన పేర్కొన్నారు. 2025 -2026 విద్యా సంవత్సరానికి తొమ్మిదవ తరగతిలో ప్రవేశానికి పరీక్షకు హాజరు కాబోయే అభ్యర్థులు ప్రస్తుత విద్యా సంవత్సరంలో 8వ తరగతి చదువుతూ.. 01.05.2010 నుంచి 31.07.2012 తేదీల మధ్య జన్మించి ఉండాలన్నారు. అలాగే 11వ తరగతిలో ప్రవేశం కోసం విద్యార్థులు ప్రస్తుత విద్యా సంవత్సరంలో 10వ తరగతి ఉమ్మడి మహబూబ్ నగర్ జిల్లాలో చదువుతూ.. 01.06.2008 నుంచి 31.07.2010 తేదీల మధ్యలో జన్మించి ఉండాలని పేర్కొన్నారు. ఉమ్మడి మహబూబ్ నగర్ జిల్లాలోని ఏదేని ప్రభుత్వ లేదా గుర్తింపు పొందిన ప్రైవేట్ పాఠశాలల్లో చదువుతున్న బాలబాలికలు ఉచితంగా www.navodaya.gov.in ద్వారా ఆన్ లైన్ లో 19.11.2024 లోగా దరఖాస్తు చేసుకోవాలని, ఇది వరకే దరఖాస్తు చేసిన వారి ప్రాంతం,వైకల్యం,మీడియం,లింగం,కేటగిరి సవరణలు కోరే వారు ఈ నెల 20,21 తేదీల్లో సరి చేసుకొనేందుకు అవకాశముందని పి. భాస్కర్ కుమార్ తెలిపారు. అలాగే వారి తల్లిదండ్రుల నివాసం ఉమ్మడి మహబూబ్ నగర్ జిల్లాలోనిదై వుండాలని అన్నారు. రెండు తరగతుల ప్రవేశ పరీక్ష 08.02.2025 (శనివారం )న నిర్వహించనున్నట్లు ఆయన తెలిపారు.