rape : పార్క్ లో ఆడుకుంటున్న..మూడేళ్ల చిన్నారిపై అత్యాచారం

దిశ ,ప్రతినిధి,మహబూబ్ నగర్: జిల్లా కేంద్రం హౌసింగ్ బోర్డులోని పార్కులో ఆడుకుంటున్న మూడేళ్ళ మైనర్ బాలికపై ఓ యువకుడు అత్యాచారం యత్నానికి పాల్పడిన ఉదంతం బయటపడింది. హౌసింగ్ బోర్డు సమీపంలోని ప్రధాన రహదారిపై ఉన్న ఒక పెద్ద హోటల్ లో పనిచేస్తున్న ఓ యువకుడు పార్కులో ఆడుకుంటున్న మూడేళ్ళ పసిపాప ను పక్కకు లాక్కుని వెళ్ళి అత్యాచారం చేస్తుండగా.. గమనించిన స్థానికులు ఆ యువకుడిని పట్టుకొని దేహశుద్ధి చేశారు. అనంతరం స్థానిక రూరల్ పోలీస్ స్టేషన్ కు సమాచారం అందించగా..హుటాహుటిన పోలీసులు అక్కడకు చేరుకున్నారు. నిందితుడిని పోలీసులు అదుపులోకి తీసుకున్నారు. విషయం తెలిసి రూరల్ పోలీస్ స్టేషన్ సీఐ గాంధీ నాయక్ ను సంప్రదించగా..నిందితుడు మతిస్థిమితం లేనివాడని,కేసు నమోదు చేస్తున్నామని తెలిపారు. ఇటీవలి కాలంలో పట్టణంలో చిన్నారులపై అత్యాచారాలు ఎక్కువగా జరుగుతున్నాయని స్థానికులు ఆందోళన వ్యక్తం చేస్తున్నారు. నిందితుడి పేరు రిజ్వాన్ ఆలంగా పోలీసులు గుర్తించారు. నిందితుడు హౌసింగ్ బోర్డు సమీపంలోని పిస్తా హౌస్ హోటల్ లో పని చేస్తున్నట్లు తెలిపారు. అలాగే ఫోక్స్ కేసు నమోదు చేసినట్లు రూరల్ పోలీస్ స్టేషన్ సీఐ గాంధీ నాయక్ తెలిపారు.