పాలేరు జేఎన్టీయూ కు రూ.108.60 కోట్ల నిధులు విడుదల

దిశ, ఖమ్మం రూరల్: పాలేరు ప్రజలకు రాష్ట్ర రెవెన్యూ, హౌసింగ్, సమాచార శాఖల మంత్రి పొంగులేటి శ్రీనివాసరెడ్డి మరో తీపి కబురును అందించారు. పొంగులేటి చొరవతో ఖమ్మం రూరల్ మండలం మద్దులపల్లి గ్రామంలో జేఎన్టీయూ నూతన భవన నిర్మాణానికి రూ. 108 కోట్ల 60 లక్షల నిధుల విడుదల చేస్తూ.. ప్రిన్సిపాల్ సందీప్ కుమార్ సుల్తానియా బుధవారం ఉత్తర్వులు జారీ చేశారు. ఏండ్లుగా కలగా ఉన్న ఇంజినీరింగ్ విద్యార్థుల కలను సాకారం చేస్తూ నూతన భవన నిర్మాణానికి నిధులు మంజూరు చేయించడం పట్ల పాలేరు ప్రజలంతా హర్షం వ్యక్తం చేస్తున్నారు. మంత్రి పొంగులేటి శ్రీనివాసరెడ్డి కృషి ని పలువురు కొనియాడుతున్నారు.