నిత్యం మీకోసం పనిచేసే ప్రభుత్వాన్ని ఆశీర్వదించండి

దిశ, సత్తుపల్లి : నిత్యం మీలో మీ కుటుంబ సభ్యుడిగా మీకోసం పనిచేసే ప్రభుత్వాన్ని ఆశీర్వదించి దీవించండి అని ఎమ్మెల్యే సండ్ర వెంకట వీరయ్య అన్నారు. బుధవారం స్థానిక మున్సిపాలిటీ పరిధిలోని 6 ,7 ,18, 19 ,23, 22 20, 21 ,8 ,9 ,వార్డుల్లో ఆత్మీయ సమ్మేళనం నిర్వహించారు. ఈ సందర్భంగా ఎమ్మెల్యే సండ్ర వెంకటవీరయ్య మాట్లాడుతూ సత్తుపల్లి మున్సిపాలిటీ పరిధిలోని పలు వార్డుల్లోని అభివృద్ధి పనులు, అంతర్గత సీసీ రోడ్ల నిర్మాణం తో పాటు మౌలిక వసతులు ఏర్పాటు చేశామని, సత్తుపల్లి అభివృద్ధిలో భాగంగా 100 పడకల ఆసుపత్రి, వెజ్ నాన్ వెజ్ మార్కెట్, సువిశాలమైన సత్తుపల్లి అర్బన్ పార్క్, క్రిస్టియన్ సోదరుల సౌకర్యార్థం క్రిస్టియన్ భవన నిర్మాణం చేపట్టినట్టు తెలిపారు.

రెండు కోట్ల రూపాయలతో షాదీఖాన్ నిర్మాణం, రజక సోదరులకు సాకలి ఐలమ్మ భవన నిర్మాణం తో పాటు ఈ ప్రాంత లో పోటీ పరీక్షలకు ప్రిపేర్ అయ్యే విద్యార్థిని విద్యార్థుల సౌకర్యార్థం గ్రంథాలయ నిర్మాణంతో పాటు డాక్టర్ బీఆర్ అంబేద్కర్ కమ్యూనిటీ హాల్ నర్సింగ్ , పాలిటెక్నిక్, కళాశాల ఏర్పాటు చేసినట్టు తెలిపారు. అనంతరం తమ పార్టీ మ్యానిఫెస్టోను వివరించారు. రానున్న ఎన్నికల్లో కారు గుర్తుపై ఓటు వేసి అత్యధిక మెజార్టీతో గెలిపించాలని విజ్ఞప్తి చేశారు. ఈ కార్యక్రమంలో జిల్లా గ్రంథాలయ చైర్మన్ కొత్తూరు ఉమహేశ్వరరావు, మున్సిపల్ చైర్మన్ కూసం పూడి మహేష్, బీఆర్ ఎస్ పట్టణ అధ్యక్షులు మోనార్క రఫీ, స్థానిక వార్డు కౌన్సిలర్లు, అమరవరపు కృష్ణారావు విజయనిర్మల, నడ్డి ఆనందరావు జమలమ్మ, షేక్ చాంద్ బాషా, యువజన విభాగ అధ్యక్షులు వల్లభనేని పవన్, వార్డు ఇన్చార్జులు , బీఆర్ఎస్ నాయకులు కార్యకర్తలు తదితరులు పెద్ద సంఖ్యలో హాజరయ్యారు.