నారుమడిలో ఎమ్మెల్యే పేరు.. అభిమానం చాటుకున్న నాయకుడు

దిశ, మల్యాల: ఎమ్మెల్యే పై గుండెల నిండా ఉన్న అభిమానాన్ని తన రోజువారీ పనిలో కూడా ఓ నాయకుడు చూపించాడు. తన అభిమానాన్ని నారుమడిలో డాక్టర్ మేడిపల్లి సత్యం ఎమ్మెల్యే చొప్పదండి అని నారుతో నాటి అభిమానాన్ని మాజీ కాంగ్రెస్ పార్టీ యువజన మండల అధ్యక్షుడు కంచర్ల లక్ష్మణ చారి చాటుకున్నాడు. గత 20 సంవత్సరాలుగా పార్టీ ఫిరాయింపులకు పాల్పడకుండా పది సంవత్సరాల పార్టీ కష్టకాలంలో పార్టీ కోసం ఎమ్మెల్యే గెలుపు కోసం తాను పడిన శ్రమ వృధా కాకుండా రాష్ట్రంలో కాంగ్రెస్ ప్రభుత్వం అధికారంలోకి రావడం, సంక్షేమ పథకాలు ప్రజలకు అందేలా స్థానిక ఎమ్మెల్యే మేడిపల్లి సత్యం ప్రత్యేక దృష్టి సారించడంతో తన అభిమానాన్ని ఇలా చాటుకున్నట్లు కంచర్ల లక్ష్మణాచారి తెలిపారు.