ఇంటికి రూ.5 లక్షలు.. ఐదు వందలకే సిలిండర్!
దిశ, తెలంగాణ బ్యూరో: ‘గడపగడపకు కాంగ్రెస్’ అనే కార్యక్రమాన్ని ఆ పార్టీ ప్రారంభించింది. గడిచిన రెండు రోజుల నుంచి జిల్లాల్లో అసెంబ్లీ సెగ్మెంట్ ఇన్‌ఛార్జులు, టీపీసీసీ మెంబర్ల నేతృత్వంలో ఈ కార్యక్రమం కొనసాగుతున్నది. రాష్ట్ర వ్యాప్తంగా అన్ని జిల్లాల్లో ఈ ప్రోగ్రామ్షురూ అయినట్లు నేతలు పేర్కొంటున్నారు. ఇంటింటికీ ప్రచారంలో ప్రజల మద్దతును కోరుతున్నారు. కేసీఆర్‌కు రెండుసార్లు అధికారం ఇవ్వడమే ఎక్కువంటూ ప్రచారం చేస్తున్నారు. ఈ సార్వత్రిక ఎన్నికల్లో తెలంగాణ ఇచ్చిన పార్టీకి ఒక్కసారి ఓటు వేయాలని పార్టీ ముఖ్యనేతలు ప్రజలను అభ్యర్ధిస్తున్నారు. మెరుగైన పాలన కాంగ్రెస్‌తోనే సాధ్యమంటూ టీపీసీసీ నేతలు ప్రచారం చేసుకుంటున్నారు. ఇంటింటికీ తిరిగి కాంగ్రెస్పార్టీ అధికారంలో వస్తే చేయబోయే అంశాలను వివరిస్తున్నారు. కర్ణాటకలో ఇచ్చిన హామీలను అక్కడి కాంగ్రెస్నెరవేరుస్తున్నదని, ఇక్కడ కూడా అదే రిపీట్ అవుతుందని నేతలు పబ్లిక్‌ను కన్విన్స్చేసే ప్రయత్నం చేస్తున్నారు. చాలామంది పబ్లిక్కాంగ్రెస్‌పై సానుభూతి చూపుతున్నట్లు స్వయంగా ఆ పార్టీ నేతలే స్పష్టం చేస్తున్నారు.
హామీలతో ఆసరా?
కాంగ్రెస్పార్టీ ఇస్తున్న హామీలతో ప్రజలు కాస్త రిలాక్స్అవుతున్నారు. తమ పార్టీ అధికారంలోకి వచ్చిన వెంటనే ఇంటి నిర్మాణానికి రూ.5 లక్షలు ఇస్తామని కాంగ్రెస్ఇస్తున్న హామీ పేదలను ఆకట్టుకుంటుంది. ప్రస్తుతం బీఆర్ఎస్ప్రభుత్వం డబుల్ బెడ్రూమ్ ఇళ్లు ఇస్తామని గడిచిన ఎనిమిదేళ్లుగా ప్రకటిస్తూనే ఉన్నా.. ఎక్కువ మందికి లబ్ధి చేకూర్చలేకపోయింది. పైగా ఇప్పుడు గృహలక్ష్మి పథకం అంటూ స్థలం ఉన్నోళ్లకు రూ.3 లక్షలు ఇళ్ల నిర్మాణానికి ఇస్తామని ప్రకటించింది. డబుల్బెడ్ రూమ్ హామీలానే ఇది కూడా క్షేత్రస్థాయిలో అందరికీ అందే ఛాన్స్ఉండదనే అభిప్రాయం చాలామంది ప్రజల్లోకి వచ్చింది. అధికారానికి దూరంగా ఉన్న కాంగ్రెస్పార్టీ ఇంటి నిర్మాణానికి ఏకంగా రూ.5 లక్షలు ఇస్తామని ప్రకటిస్తుంటే.. పబ్లిక్ సైతం కాంగ్రెస్‌లో కాస్త భరోసా పెట్టుకున్నది. గతంలో కాంగ్రెస్పార్టీ చేపట్టిన సంక్షేమ పథకాలే వలే ఇప్పుడు ఇస్తున్న హామీలను కూడా నెరవేరుస్తారని ప్రజలు భావిస్తున్నారు. ఇక 2లక్షల రైతు రుణమాఫీ, 2 లక్షల ఉద్యోగాలు, 4000 రూపాయల నిరుద్యోగ భృతి, 500 కి గ్యాస్ సిలిండర్, ధరణి పోర్టల్ రద్దు లాంటి పథకాలను కూడా ప్రభుత్వం ఏర్పడిన కొన్ని రోజుల్లోనే ఇంప్లిమెంట్ చేయనున్నట్లు టీపీసీసీ కి చెందిన ఓ నేత తెలిపారు.
