హైదరాబాద్‌లో రోడ్డుపై వెళ్తున్న కారు దగ్ధం

దిశ, శేరిలింగంపల్లి: షార్ట్ సర్క్యూట్ తో కారు దగ్ధమైన ఘటన శనివారం ఉదయం చందానగర్ పోలీసు స్టేషన్ పరిధిలో చోటుచేసుకుంది. చందానగర్ మంజీరా పైప్ లైన్ మున్సిపల్ రోడ్డులో వెళుతున్న ఏపీ 28 ఏకే 0998 నెంబర్ గల కారులో ఒక్కసారిగా మంటలు చెలరేగాయి. దీంతో అందులో ఉన్న డ్రైవర్ కారును పక్కన ఆపి కిందికి దిగడంతో ప్రాణాపాయం తప్పింది. ఈ ప్రమాదంలో కారు పూర్తిగా దగ్దం అయింది. ఎవరికి ఎలాంటి ప్రమాదం జరగలేదు. షార్ట్ సర్క్యూట్ కారణంగా ప్రమాదం జరిగినట్లు తెలుస్తోంది.