Himanshu: మొదటిసారి ఓటేసిన కేటీఆర్ కొడుకు హిమాన్షు.. అయన ఫస్ట్ రియాక్షన్ ఇదే

దిశ, వెబ్‌డెస్క్: రాష్ట్ర వ్యాప్తంగా లోక్‌సభ ఎన్నికల పోలింగ్ ప్రశాంతంగా ముగిసింది. ఉదయం 7 గంటల నుంచే ఓటర్లు తమ ఓటు హక్కును వినియోగించుకునేందుకు పోలింగ్ కేంద్రాల ఎదుట బారులు తీరారు. అదేవిధంగా పలువురు సెలబ్రిటీలు, సినీ ప్రముఖులు తమకు కేటాయించిన పోలింగ్ కేంద్రాలకు వెళ్లి లైన్లో నిలబడి మరీ ఓటేశారు. ఈ క్రమంలోనే బంజారాహిల్స్ పరిధిలోని నందీనగర్‌లో మాజీ మంత్రి కేటీఆర్ తనయుడు హిమాన్ష్ మొదటిసారిగా తన ఓటు హక్కును వినియోగించుకున్నాడు. ‘తొలిసారి ఓటేశాక ఓ పెద్ద బాధ్యతను నెరవేర్చినట్లుగా భావించా. దయచేసి ఓటు వేయండి, మీ అభిప్రాయాలను గట్టిగా, స్పష్టంగా తెలియజేయండి’ అనే క్యాప్షన్‌తో ఫొటోలను షేర్ చేశాడు. ప్రస్తుతం ఆ ఫొటోలు సోషల్ మీడియాలో విపరీతంగా వైరల్ అవుతోంది.