KCRను కలిసిన మాజీ ఎమ్మెల్యే.. కౌగలించుకుని పరామర్శించిన బీఆర్ఎస్ బాస్
దిశ, వెబ్‌డెస్క్: చాలా రోజుల తర్వాత బీఆర్ఎస్ అధినేత కేసీఆర్ మళ్లీ కెమెరా ముందు కనిపించారు. ఆ పార్టీ మాజీ ఎమ్మెల్యేలు చర్లకోల లక్ష్మారెడ్డి, శ్రీనివాస్ గౌడ్, కర్నె ప్రభాకర్‌తో పలువురు బీఆర్ఎస్ నేతలు ఈ రోజు (శనివారం) కేసీఆర్‌ను కలిసేందుకు స్వయంగా ఫామ్‌హౌస్‌కు వెళ్లారు. ఈ సందర్భంగా కేసీఆర్ స్వయంగా వారికి స్వాగతం పలికారు. లక్ష్మారెడ్డిని కౌగిలించుకుని కుశల ప్రశ్నలు అడిగారు. అనంతరం వారంతా కొద్ది సేపు మాట్లాడుకున్నారు. ఆ సమయంలో బీఆర్ఎస్ వర్కింగ్ ప్రెసిడెంట్, కేసీఆర్ తనయుడు కేటీఆర్ కూడా అక్కడే ఉన్నారు.
ఇదిలా ఉంటే.. తెలంగాణ అసెంబ్లీ ఎన్నికల్లో ఓటమితో ఆ పార్టీ అధినేత కేసీఆర్ అప్పట్లో సైలెంట్ అయిపోయారు. అంతేకాకుండా అదే సమయంలో అనారోగ్యంతో ఉన్న ఆయన సర్జరీ చేయించుకోవాల్సి రావడంతో ప్రజల్లోకి రావడం తగ్గించేసి పూర్తిగా రెస్ట్ తీసుకున్నారు. ఇక లోక్‌సభ ఎన్నికల సమయంలో బయటకు వచ్చి ప్రచారం చేసినా.. ఫలితాల్లో గులాబీ పార్టీకి ఒక్క సీటు కూడా రాకపోవడంతో కంగు తిన్న కేసీఆర్ ప్రస్తుతానికి ప్రజలకు, కేడర్‌కు దూరంగా తన ఫామ్‌హౌస్‌లోనే గడుపుతున్నారు. ఇలాంటి సందర్భంలో లక్ష్మారెడ్డి కలయిక చర్చనీయాంశంగా మారింది.
