మునుగోడులో భారీగా ఖర్చు చేస్తోన్న పార్టీలు.. ఓటర్లకు ఫ్లైట్ టికెట్స్!

దిశ, వెబ్‌డెస్క్: మునుగోడు ఉప ఎన్నికను ప్రధాన పార్టీలు ప్రతిష్టాత్మకంగా తీసుకున్నాయి. ఇప్పటికే ప్రచారం షురూ చేసిన అభ్యర్థులు ఖర్చుకు ఏమాత్రం వెనుకాడటం లేదు. ఓటర్లను ప్రసన్నం చేసుకోవడానికి అన్ని పార్టీలు కోట్ల రూపాయలు ఖర్చు చేస్తున్నాయి. ఓట్లు రాబట్టుకోవడానికి ఉన్న ఏ అవకాశాన్నీ వదులుకోవడం లేదు. ఇందులో భాగంగా విదేశాల్లో స్థిరపడిన వారి ఓట్లనూ కీలకంగా మార్చకోబోతున్నారు. వారికోసం ఫ్లైట్ టికెట్‌లను సైతం ఆయా పార్టీలు బుక్ చేస్తున్నట్లు సమాచారం అందుతుంది.

అంతేకాదు.. వారు ఇక్కడకు వచ్చాక ఉండేందుకు తగిన సదుపాయాలు కూడా చేస్తున్నట్లు సమాచారం. అలాగే వేరే రాష్ట్రాలకు వలస వెళ్లిన వారికి కూడా రైలు టికెట్లు బుక్ చేస్తున్నారు. మరికొంతమందికి దూర ప్రాంతం నుంచి రావడానికి అయ్యే ఖర్చు కూడా ముందే చెల్లిస్తున్నట్లు మునుగోడు ప్రజలు బహిరంగంగా చర్చించుకుంటున్నారు. అలాగే విదేశాల నుంచి వచ్చిన వారు తిరిగి వెళ్లడానికి కూడా ఆయా పార్టీలే టికెట్లు బుక్ చేస్తున్నట్లు తెలుస్తోంది. ఓట్లను రాబట్టేందుకు నాయకులు పడుతున్న పాట్లు అన్ని ఇన్ని కాదు. మరీ మునుగోడు ఓటర్లు ఎవరికి మద్దతుగా నిలువనున్నారు. మునుగోడులో విజయం ఏ పార్టీని వరిస్తుందో వేచి చూడాలి మరి.

ఇవి కూడా చదవండి : మునుగోడులో అనూహ్య పరిణామం.. షాక్‌లో కాంగ్రెస్ నేతలు