హైదరాబాద్ నగరాన్ని కమ్మేసిన క్యుములో‌నింబస్ మేఘాలు.. రెండు గంటల్లో వర్షం

దిశ, వెబ్‌డెస్క్: వారం క్రితం వర్షంతో నగరాన్ని మురిపించిన వాతావరణం.. తీవ్ర ఎండలతో ఉక్కిరిబిక్కిరి చేసింది. రోజు రోజు మారుతున్న వాతావరణంతో హైదరాబాద్ నగర ప్రజలు తీవ్ర ఇబ్బందులు ఎదుర్కొంటున్నారు. ఈ క్రమంలోనే నేటి మధ్యాహ్నం నగర వ్యాప్తంగా వర్షం కురువనున్నట్లు వాతావరణ శాఖ అలర్ట్ జారీ చేసింది. నగర వ్యాప్తంగా క్యుములో నింబస్ మేఘాలు ఆవరించి ఉండటంతో రెండు గంటల్లో వర్షం పడే అవకాశం ఉందని ప్రజలు అప్రమత్తంగా ఉండాలని వాతావరణ శాఖ తెలిపింది. ఈ మేఘాల కారణంగా ఇప్పటికే రంగారెడ్డి, వికారాబాద్ జిల్లాలో తేలికపాటి వర్షాలు ప్రారంభం కాగా.. మరికొద్ది సేపట్లో నగరం మొత్తం వ్యాపించినట్లు అధికారులు అంచనా వేస్తున్నారు.