బీఆర్ఎస్‌ నేతలకు బిగ్ షాక్.. ఆసక్తికర వీడియో విడుదల చేసిన బండి సంజయ్! (వీడియో)

దిశ, వెబ్‌డెస్క్: ఎన్నికలు సమీపిస్తోన్న వేళ తెలంగాణలో రాజకీయాలు రసవత్తరంగా మారుతున్నాయి. ముఖ్యంగా ప్రధాన పార్టీలైన బీఆర్ఎస్, కాంగ్రెస్, బీజేపీలు రాజకీయ విమర్శల్లో స్పీడు పెంచాయి. తొందరగా జనాల్లోకి వెళ్లేలా వినూత్న ఐడియాలతో ముందుకెళ్తున్నారు. సోషల్ మీడియాలో ఆసక్తికర పోస్టులు పెట్టి అధికార, విపక్షాలపై విమర్శలు చేసుకుంటున్నారు. తాజాగా.. బీజేపీ చీఫ్ బండి సంజయ్‌ ఓ ఆసక్తికర వీడియోను షేర్ చేశారు. పిట్టల దొర వేషం వేసి చేసిన ఓ వీడియోను ట్విట్టర్‌‌లో షేర్‌లో చేశారు. దీనిని బీజేపీ శ్రేణులు సోషల్ మీడియాలో విస్తృతంగా షేర్ చేశారు. ‘‘అన్నదాతలను అరిగోసలు పెడుతూ కక్ష.. రైతు సమస్యల పట్ల అంతులేని వివక్ష.. గద్దెనెక్కినందుకు దొర వేసిన శిక్షా?.. తెలంగాణ రైతాంగమంతా ఒకే మాట అంటున్నది " సాలు దొర సెలవు దొర" అని అంటూ బండి సంజయ్ ఆసక్తికర వ్యాఖ్యలు చేశారు.

కాంగ్రెస్‌లో హిందూ వ్యతిరేక భావన ఉంది: చింతల