గ్రూప్ 3 పరీక్షలకు పటిష్ట బందోబస్తు

దిశ, ఆదిలాబాద్ : ఆదిలాబాద్ జిల్లాలో ఆదివారం, సోమవారం గ్రూప్ 3 పరీక్షలను పకడ్బందీగా నిర్వహించనున్నారు. ఇందుకు పోలీస్ అధికారులు పరీక్ష కేంద్రాల వద్ద భారీ బందోబస్తు ఏర్పాటు చేసినట్లు జిల్లా ఎస్పీ గౌస్ ఆలం తెలిపారు. ఈ సందర్భంగా శనివారం జిల్లా పోలీసు ఏఆర్ హెడ్ క్వార్టర్స్ లో సిబ్బందికి విధులపై మార్గ నిర్దేశం చేశారు. గ్రూప్-3 పరీక్షల నేపథ్యంలో జిల్లా పోలీసు యంత్రాంగం పటిష్ట పోలీసు బందోబస్తు ఏర్పాటు చేసినట్టు చెప్పారు. అభ్యర్థులు హాల్ టికెట్ లో సూచించిన నిబంధనలను ఖచ్చితంగా పాటించాలన్నారు.

పరీక్షా కేంద్రాలకు నిర్ణీత సమయానికి ముందే చేరుకోవాలన్నారు. విధులు నిర్వర్తించే వారు గుర్తింపు కార్డులను కలిగి ఉండాలన్నారు. పరీక్షా కేంద్రం పరిసర ప్రాంతంలో ప్రజలు గూమికూడరాదని, 500 మీటర్ల దూరం వరకు ఎలాంటి జిరాక్స్ సెంటర్లు తెరిచి ఉంచరాదని కోరారు. జిల్లా వ్యాప్తంగా 29 కేంద్రాల్లో 10,255 మంది అభ్యర్థులు పరీక్షకు హాజరుకానున్నట్టు చెప్పారు. ఈ సమావేశంలో అదనపు ఎప్పీ బి.సురేందర్ రావు, గ్రూప్ 3 నోడల్ అధికారి జగ్రాం, డీఎస్పీలు పోతారం శ్రీనివాస్, ఎల్ జీవన్ రెడ్డి, సీఐలు, ఎస్సైలు, రిజర్వ్ ఇన్స్పెక్టర్లు, సిబ్బంది తదితరులు పాల్గొన్నారు.