ఆటోను ఢీకొన్న లారీ.. పలువురికి తీవ్రగాయాలు..

దిశ, నేరడిగొండ : ఆదిలాబాద్ జిల్లా నేరడిగొండ మండలం చించోలి హనుమాన్ మందిర్ దగ్గర మంగళవారం మధ్యాహ్నం ఘోర రోడ్డు ప్రమాదం జరిగింది. స్థానికులు తెలిపిన వివరాల ప్రకారం ఎక్స్ రోడ్డు నుండి బోథ్ వెళ్తున్న లారీ బోథ్ నుంచి ఎక్స్ రోడ్డు వైపు వస్తున్న ఆటోను ఢీ కొట్టింది. దీంతో ఆటోల ఉన్న పలువురు ప్రయాణికులకు తీవ్రగాయాలయ్యాయి. వెంటనే స్థానికులు క్షతగాత్రులను అంబులెన్స్ లో ఆదిలాబాద్ రిమ్స్ ఆసుపత్రికి తరలించారు. ఈ ఘటన పై పూర్తి సమాచారం తెలియాల్సి ఉంది.