జీసీసీ మేనేజర్ బొజ్జ నాయక్ సస్పెన్షన్​

దిశ, ఆసిఫాబాద్ : ఆసిఫాబాద్ జిల్లాలోని జీసీసీ మేనేజర్ బొజ్జ నాయక్ ను సస్పెండ్ చేస్తూ ఐటీడీఏ పీఓ ఖుష్బూగుప్తా ఉత్తర్వులు జారీ చేశారు. ఇటీవల జీసీసీ సంబంధించిన సరుకులను కాగజ్ నగర్ లోని ఓ ఇంట్లో దింపుతుండగా స్థానికులు గమనించి పోలీసులకు సమాచారం ఇచ్చారు. వాహనాన్ని పోలీసులు స్వాధీనం చేసుకుని విచారణ చేపట్టగా జీసీసీ సామాగ్రి పక్కదారి పట్టిస్తున్నట్లు ఉన్నతాధికారులకు నివేదిక అందించారు. దాంతో పీఓ ఆయన్ను సస్పెండ్ చేస్తూ శుక్రవారం రాత్రి ఉత్తర్వులు జారీ చేశారు.