HoneyRose : వేధింపులపై హనీరోజ్ కంప్లయింట్... 27 మందిపై కేసు
దిశ, వెబ్ డెస్క్ : తనని ఓ వ్యాపారవేత్త లైంగికం(Sexual Harassment)గా వేధిస్తున్నాడంటూ మలయాళీ ముద్దుగుమ్మ హనీరోజ్(HoneyRose) సోషల్ మీడియాలో పోస్టు పెట్టిన విషయం తెలిసిందే. తాజాగా తనపై జరుగుతున్న వేధింపులపై హనీరోజ్ కేరళలోని ఎర్నాకులం(Ernakulam) పోలీస్ స్టేషన్లో ఫిర్యాదు చేసింది. ఈ కంప్లయింట్ పై స్పందించిన పోలీసులు 27 మందిపై కేసు నమోదు చేయగా.. ఒకరిని అరెస్ట్ చేశారు. ఫిర్యాదు అనంతరం హనీరోజ్ మాట్లాడుతూ.. విమర్శలను, తనపై వేసే జోక్స్ ను, మీమ్స్ ను పట్టించుకోను కాని అసభ్యంగా కామెంట్స్, పోస్టు చేస్తే ఊరుకునేది లేదని ఫైర్ అయ్యారు. వారిపై న్యాయపోరాటం చేసి, జైల్లో పెట్టిస్తానని వార్నింగ్ ఇచ్చారు.
అసలేం జరిగిందంటే..
తనను ఓ వ్యక్తి సెక్సువల్ హెరాస్మెంట్ చేస్తున్నాడని ఆవేదన వ్యక్తం చేస్తూ హనీరోజ్ ఆదివారం సోషల్ మీడియాలో ఓ పోస్ట్ పెట్టింది. గతంలో ఓ వ్యాపారవేత్త నిర్వహించిన ఈవెంట్ కు తాను హాజరయ్యానని.. అప్పటి నుంచి అతను తన వెంట పడుతున్నాడని పేర్కొంది. సోషల్ మీడియాలో తన పరువుకు భంగం కలిగేలా ప్రవర్తిస్తున్నాడని, తాను ఎక్కడికి వెళితే అక్కడ ఆ వ్యక్తి ప్రత్యక్షం అవుతున్నాడని తెలిపింది. అతడిపై చట్టపరంగా పోరాడతానని చెప్పుకొచ్చింది ఈ మలయాళ ముద్దుగుమ్మ. కాగా హనీ రోజ్ పెట్టిన ఆ పోస్ట్ సోషల్ మీడియాలో వైరల్ అవడమే కాకుండా, ఇండస్ట్రీని షేక్ చేసింది.
