TG: వేసవిలో విద్యుత్​అంతరాయం ఉండొద్దు

దిశ, తెలంగాణ బ్యూరో: వేసవి, యాసంగి పంటకు అవసరమైన విద్యుత్‌‌ను సరఫరా చేసే విధంగా అధికారులు యాక్షన్​ప్లాన్​రూపొందించాలని ఇందనశాఖ ముఖ్య కార్యదర్శి సందీప్​కుమార్​సుల్తానీయా ఆదేశించారు. మంగళవారం విద్యుత్​సౌదాలో వేసవి కాలంలో విద్యుత్​అవసరాలను తీర్చగలడంపై ఉన్నతాధికారులతో ఇందనశాఖ ముఖ్య కార్యదర్శి సందీప్​కుమార్​సుల్తానీయా సమీక్షించారు. విద్యుత్ సరఫరాలో అంతరాయం కలగకుండా ఉండటానికి 33కేవీ, 11కేవీ సబ్​స్టేషన్‌లలో విద్యుత్​సరఫరాకు అంతరాయం కలగకుండా చూడాలన్నారు. ఒక వేళ ఫీడర్​బ్రేక్​డౌన్‌లు సంబవిస్తే వెంటనే సెంట్రలైజ్డ్​బ్రేక్​డౌన్​సిబ్బందిని అక్కడికి పంపించి సమస్యను విలైనంత త్వరగా పరిష్కరించే విధంగా చూడాలన్నారు.

నిర్మాణంలో ఉన్న 400కేవీ, 220కేవీ, 132 కేవీ సబ్ స్టేషన్ ల త్వరగా పూర్తి అయ్యే విధంగా చూడాలని ఆదేశించారు. ఎక్స్‌ట్రా హెవోల్టేజీ లైన్స్​ అత్యధిక ప్రాధాన్యత ఇచ్చి నిర్మాణం పూర్తి చేయాలన్నారు. హైదరాబాద్​తో పాటుగా మరో రెండు స్టోరీ కేంద్రాలను ఏర్పాటు చేయాలని, దీని ద్వారా మేటిరియల్​త్వరగా పూర్తి కావడానికి అవకాశం ఉంటుందన్నారు. ఈ సమీక్షా సమావేశంలో ట్రాన్స్​కో సీఎండీ కృష్ణా భాస్కర్, ఎస్పీడీసీఎల్​సీఎండీ ముషారఫ్​అలీ, ఎన్ పీడీసీఎల్​సీఎండీ వరుణ్​రెడ్డి, ట్రాన్స్​జెఎండీ శ్రీనివాస్​రావు, తదితరలు పాల్గొన్నారు.