అంతర్జాతీయ పోటీలకు అర్హత సాధించిన తెలంగాణ జట్టు

దిశ, యాచారం: టెన్ స్క్వేర్ క్రికెట్ అసోసియేషన్ ఆధ్వర్యంలో మధ్యప్రదేశ్ లో 3 రోజుల పాటు జరిగిన సీనియర్స్ క్రికెట్ టోర్నమెంట్ లో తెలంగాణ జట్టు ఘనవిజయం సాధించిందని తెలంగాణ జట్టు కోచ్ చంద్రశేఖర్ తెలిపారు. ఈ నెల 7, 8, 9న మథురలో జరిగిన జాతీయ స్థాయి పోటీలకు ఉత్తమ ప్రతిభ కనబరిచారని కోచ్ తెలిపారు. ఫైనల్ మ్యాచ్ మధ్యప్రదేశ్ తో జరగగా మధ్యప్రదేశ్ జట్టు నిర్ణీత 20 ఓవర్లలో 10 వికెట్లు నష్టపోయి 153 పరుగులు చేయగా తెలంగాణ జట్టు 19.2 బంతుల్లో 154/7 చేసి విజయం సాధించింది. ఫైనల్లో చరణ్ 72 పరుగులు సాధించడంతో మ్యాన్ ఆఫ్ ది మ్యాచ్ వరించింది. జాతీయ స్థాయిలో తెలంగాణ జట్టు విజయం సాధించడంతో కోచ్ చంద్రశేఖర్ సంతోషం వ్యక్తం చేశారు. అనంతరం క్రీడాకారులను శ్రీలంకలో జరిగే అంతర్జాతీయ పోటీలకు అర్హత సాధించారని తెలిపారు.