బెడ్​రూమ్ ​కిటికిల్లోంచి చూసిన అన్న.. అనుమానంతో పోలీసులకు ఫిర్యాదు

దిశ, జల్​పల్లి: అనుమానాస్పదస్థితిలో ఓ వ్యక్తి ఉరివేసుకుని ఆత్మహత్యకు పాల్పడిన ఘటన పహాడిషరీఫ్​పోలీస్ స్టేషన్​పరిధిలో చోటుచేసుకుంది. పహాడిషరీఫ్​ఎస్సై మధుసూధన్ తెలిపిన వివరాల ప్రకారం.. లక్ష్మీగూడ వాసవికాలనీకి చెందిన కమలేష్ శర్మ (35) ఇంటికి ఈ నెల 8వ తేదీన రాత్రి 8గంటలకు సోదరుడు శంకర్ లాల్ శర్మ వెళ్లాడు. ఎంత సేపు పిలిచినా పలకకపోవడంతో బెడ్​రూమ్​వెనుక వైపు ఉన్న కిటికీలోంచి తొంగిచూడగా బాత్​రూమ్​లో సోదరుడి ఒక చేయి మాత్రమే కనిపిస్తుండడంతో వెంటనే 100కు డయల్​చేసి ఫిర్యాదు చేశాడు. సమాచారం అందుకున్న పహాడిషరీఫ్​ పోలీసులు ఘటనాస్థలికి చేరుకుని పరిస్థితిని సమీక్షించారు. తలుపులు బద్దలు కొట్టి లోనికి వెళ్లి చూడడంతో కమలేష్​ఉరివేసుకుని కనిపించాడు. తన సోదరుడు కమలేష్​మృతికి నరేందర్ కుమార్ చౌదరే కారణమని శంకర్ లాల్ అనుమానం వ్యక్తం చేశాడు. కేసు నమోదు చేసుకున్న పోలీసులు దర్యాప్తు ప్రారంభించారు.