బిగ్ బాస్ విజేతగా సన్నీ.. మాదాపూర్ లో సంబురాలు

దిశ, శేరిలింగంపల్లి: గత మూడు నెలలుగా మా టీవీలో సాగిన బిగ్ బాస్ రియాల్టీ షోలో వీజే సన్నీ విజేతగా నిలిచారు. ఫైనల్ లో సన్నీ, శ్రీరామ చంద్ర, షణ్ముఖ్‌ లు ఉండగా సింగర్ శ్రీరామ చంద్ర ఎలిమినేట్ కాగా.. తుది పోరులో సన్నీ, షన్ముఖ్ మాత్రమే ఫైనల్ పోరులో నిలిచారు. వీరిలో అత్యధిక ఓట్లతో బిగ్ బాస్ 5వ సీజన్ విజేతగా సన్నీ గెలుపొందినట్లు షో హోస్ట్ గా వ్యవహరిస్తున్న అక్కినేని నాగార్జున ప్రకటించారు. దీంతో సన్నీ ఆనందానికి హద్దులు లేకుండా పోయాయి. గాల్లోకి బ్లేజర్ విసిరేసి ఆనందాన్ని వ్యక్తం చేశాడు. హోస్ట్ నాగార్జునను ఎత్తుకుని డ్యాన్స్ చేశాడు. బిగ్ బాస్ విజేతగా నిలిచిన సన్నీకి ట్రోఫీతో రూ.50 లక్షల నగదు, ఒక కారుతో పాటు, సువర్ణ కుటీరలో 300 గజాల స్థలాన్ని బహుమతిగా ఇస్తున్నట్లు నాగార్జున ప్రకటించారు.

సన్నీ సంబురాలు

వీజే సన్నీ బిగ్ బాస్ 5వ సీజన్ లో విజేతగా నిలిచిన నేపథ్యంలో మాదాపూర్ ఎస్ కన్వెన్షన్ లో అతని స్నేహితులు, సన్నిహితులు సెలబ్రేషన్స్ నిర్వహించారు. లెట్స్ సెలబ్రేట్ మచ్ఛాస్ అంటూ సంబురాలు చేసుకున్నారు.