ఈ సీజన్లోనే ఆ స్టార్ ఆటగాడి తనయుడి ఐపీఎల్ ఎంట్రీ..!
దిశ, వెబ్ డెస్క్: మాస్టర్ బ్లాస్టర్ సచిన్ టెండూల్కర్ తనయుడైన అర్జున్ టెండూల్కర్ ఐపీఎల్ ఎంట్రీ ఈ సీజన్ లోనే ఉండనున్నట్లు తెలుస్తోంది. ఈ నెల 31న ప్రారంభమవుతున్న టాటా ఐపీఎల్ 2023 లోనే ముంబై ఇండియన్స్ తరఫున అర్జున్ ఆడనున్నట్లు ప్రచారం జరుగుతోంది. గత రెండు సీజన్లలో అర్జున్ ముంబై తరఫున టోర్నీలో పాల్గొన్నాడు. కానీ తుది జట్టులో మాత్రం చోటు దక్కలేదు. దీంతో ఈసారైనా అర్జున్ ఆడతాడా లేదా అనే ప్రశ్న సచిన్ ఫ్యాన్స్ లో నెలకొంది. అయితే ఈ సారి ఆయన ఆడటం పక్కా అని ఇటీవల జట్టుకు సంబంధించిన ప్రెస్ మీట్ లో ముంబై ఇండియన్స్ కెప్టెన్ రోహిత్ శర్మ చేసిన తాజా వ్యాఖ్యలను బట్టి తెలుస్తోంది.
ఈ సారి ముంబై తరఫున అర్జున్ ఆడుతాడా అని ఓ విలేకరి ప్రశ్నించగా.. గుడ్ క్వశ్చన్.. హోప్ఫుల్లీ అంటూ రోహిత్ సమాధానం ఇచ్చాడు. ఇక ఇదే ప్రెస్ మీట్ లో పాల్గొన్న ముంబై ఇండియన్స్ హెడ్ కోచ్ మార్క్ బౌచర్ మాట్లాడుతూ.. అర్జున్ గాయం నుంచి పూర్తిగా కోలుకున్నాడు. గత 6 నెలలుగా చాలా బాగా బౌలింగ్ చేస్తున్నాడు. అతడు రెడీగా ఉంటే సెలెక్షన్ గురించి ఆలోచిస్తామని చెప్పాడు. దీంతో ఈసారి అర్జున్ ఎంట్రీ దాదాపు ఖరారైనట్లేనని క్రీడా పండితులు చెబుతున్నారు.
