నా బయోపిక్‌లో నేనే నటిస్తా.. కానీ ఆ హీరోలు ఉండాలి.. సానియా మీర్జా కామెంట్స్ వైరల్

దిశ, సినిమా: ప్రస్తుతం సినీ ఇండస్ట్రీలో బయోపిక్ ట్రెండ్ నడుస్తుంది. ఒకప్పుడు స్టార్స్‌గా గుర్తింపు పొందిన నటీనటులు, కీడాకారులపై కూడా ఇప్పటి వరకు ఎన్నో బయోపిక్స్ వచ్చాయి. అవన్ని కూడా దాదాపుగా హిట్‌గా నిలిచాయి. ఈ క్రమంలోనే భారత టెన్నిస్ దిగ్గజం సానియా మీర్జా తన బయోపిక్ తెరకెక్కించడంపై ఆసక్తికర కామెంట్స్ చేసింది.

బాక్సర్ మేరీ కోమ్, బ్యాడ్మింటన్ సౌనా నెహ్వాల్, షార్ప్ షూటర్ సిఫ్త్ కౌర్‌తో కలిసి ‘ద గ్రేట్ ఇండియన్ కపిల్’ షోకు హాజరైంది సానియా మీర్జా. ఈ సందర్భంగా కపిల్ శర్మ సానియాను తన జీవిత చరిత్ర గురించి ప్రశ్నించాడు. ప్రియాంక చోప్రా మేరీ కోమ్ బయోపిక్‌లో, ప్రియాంక కజిన్ పరిణతి చోప్పా సౌనా నెహ్వాల్ బయోపిక్‌లో నటించారు. మరి నీ బయోపిక్ తీస్తే అందులో ఏ హీరోయిన్ నటించాలని అనుకుంటున్నావు అని అడిగాడు.

దానిపై స్పందించిన సానియా ‘మన దేశంలో చాలా మంది మంచి యాక్టర్స్ ఉన్నారు. వాళ్లల్లో ఎవరూ నటించినా నాకు ఓకే’ అని చెప్పుకొచ్చిన ఈ అమ్మడు.. షారుఖ్ ఖాన్ లేదా అక్షయ్ కుమార్ నా బయోపిక్‌లో నటిస్తానంటే కచ్చితంగా నేనే నా పాత్రలో చేస్తాను’ అంటూ నవ్వుకుంటూ ఆన్సర్ ఇచ్చింది. కాగా.. సానియా షోయబ్ మాలిక్‌తో ఇటీవలె విడాకులు తీసుకున్న సంగతి తెలిసిందే.