SRHలో ఆడటం వల్లే ఇండియా టీమ్‌లో చోటు దక్కింది.. నితీష్ కుమార్ రెడ్డి ఎమోషనల్ కామెంట్స్
దిశ, వెబ్ డెస్క్: ఐపీఎల్ 2024 లో సన్ రైజర్స్(sunrisers) జట్టులో సత్తా చాటిన యువ ప్లేయర్ నితీష్ కుమార్ రెడ్డి(Nitish Kumar Reddy).. సంచలనంగా మారిన విషయం తెలిసిందే. అయితే ఈ యువ ప్లేయర్‌ను హైదరాబాద్(SRH) జట్టు వేలంలోకి వెళ్లకుండా రూ. 6 కోట్లకు రిటైన్ చేసుకుంది. అయితే మెగా వేలంలోకి నితీష్ కుమార్ రెడ్డి వెళ్లి ఉంటే.. భారీ ధర పలికేవాడని.. సోషల్ మీడియా వేదికగా పోస్టులు పెడుతున్నారు. కాగా ఇదే విషయంపై నితీష్ కుమార్ రెడ్డిని ఓ ఇంటర్వ్యూలో.. ప్రశ్నించగా.. ఆయన ఎమోషనల్ కామెంట్స్ చేశాడు. తాను సన్ రైజర్స్ జట్టులో ఆడటం వల్లే నేనిప్పుడు ఇండియా జట్టు ఆడుతున్న.. డబ్బు మ్యాటర్ కాదు. బాగా ఆడితే.. డబ్బులు ఎప్పుడైన వస్తాయి.. నేను అప్పుడు సన్ రైజర్స్ జట్టుకు, ఇప్పుడు భారత జట్టుకు ఆడుతుంటే.. తెలుగు వాళ్ళు గర్విస్తారు. నేను ఒకవేళ వేరే జట్టుకు ఆడి ఉంటే.. మన అనే ఫీలింగ్ రాదంటూ.. ఎమోషనల్ కామెంట్స్ చేశాడు. కాగా దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారడంతో.. అతన్ని తెలుగు రాష్ట్రాల అభిమానులు ఆకాశానికి ఎత్తేస్తున్నారు.
