భారీ మొత్తానికి ‘కప్పెలా’ రీమేక్ రైట్స్

మలయాళ సినిమాలకు ఇండస్ట్రీలో మంచి క్రేజ్ ఉంది. తెలుగు, హిందీ, తమిళ్ ఇండస్ట్రీ మాలీవుడ్ సినిమాలపై ఆసక్తి చూపుతున్నది. అయ్యప్పనుమ్ కోషియుమ్, లూసిఫర్, డ్రైవింగ్ లైసెన్స్ లాంటి చిత్రాల రీమేక్ రైట్స్ భారీ మొత్తంలో అమ్ముడు పోగా.. ఇప్పుడు మరో చిత్రానికి భారీ క్రేజ్ ఏర్పడింది.

యూత్ ఫుల్ లవ్ ఎంటర్టైన్మెంట్ చిత్రం ‘కప్పెలా’కు భారీ రెస్పాన్స్ వస్తోంది. ప్రముఖ దర్శకులు అనురాగ్ కశ్యప్ ఈ సినిమా గురించి బెస్ట్ కాంప్లిమెంట్స్ ఇచ్చారు.

అన్నా బెన్, శ్రీనాథ్ భసీ, రోషల్ మాథ్యూలాంటి న్యూ టాలెంటెడ్ యాక్టర్స్ నటించిన ఈ సినిమాకు మహ్మద్ ముస్తఫా దర్శకత్వం వహించారు. చిన్న చిత్రంగా విడుదలై భారీ విజయాన్ని అందుకున్న ఈ సినిమా డైరెక్టర్‌కు కూడా ఇది ఫస్ట్ సినిమానే కాగా..ప్రెజెంట్ లవ్ స్టోరీస్ బేస్ చేసుకుని తీసిన మూవీ బ్లాక్ బస్టర్ హిట్ అయింది. ఈ మూవీ తెలుగు రీమేక్ రైట్స్ ప్రముఖ నిర్మాణ సంస్థ సితారా ఎంటర్టైన్మెంట్స్ సొంతం చేసుకుంది. భారీ మొత్తానికి సినిమా రీమేక్ రైట్స్ కొనుగొలు చేసిన బ్యానర్.. కొత్త నటీనటులతో సినిమా తెరకెక్కిస్తుందట. ఫీల్ గుడ్ ఎంటర్టైన్మెంట్ అందించేందుకు న్యూ టాలెంట్‌ను ప్రోత్సహిస్తుందని తెలుస్తుంది. పరిస్థితులు నార్మల్ కాగానే సినిమా సెట్స్ మీదకు వెళ్లనుందని ఫిల్మ్ నగర్ టాక్.