రాష్ట్రస్థాయి బాక్సింగ్ పోటీల్లో జిల్లాకు రెండు రజత పతకాలు
దిశ, కొత్తగూడెం : స్కూల్ గేమ్స్ ఫెడరేషన్ ఆధ్వర్యంలో నిర్వహించిన రాష్ట్రస్థాయి బాక్సింగ్ పోటీల్లో జిల్లా విద్యార్థులు సత్తా చాటారు. ఈనెల 23,24వ తేదీన హైదరాబాద్లోని లాలాగూడ మిక్స్డ్ రైల్వే స్కూల్ లో నిర్వహించిన రాష్ట్ర స్థాయి బాక్సింగ్ పోటీలలో అండర్ 14 విభాగంలో 30 -32 వెయిట్ కేటగిరీలో కొత్తగూడెంకు చెందిన ఆర్.గణేష్, 48-50 కేజీల వెయిట్ కేటగిరీలో కె.అరుణ్ కృష్ణ రజత పతకాలు సాధించి సత్తా చాటారు.
మంగళవారం ఐడీఓసీలోని జిల్లా విద్యాశాఖ అధికారి ఎం.వెంకటేశ్వర చారి, జిల్లా యువజన క్రీడల శాఖ అధికారి పరంధామ రెడ్డి గణేష్, అరుణ్ కృష్ణ లను అభినందించారు. జిల్లా బాక్సింగ్ అసోసియేషన్ ప్రెసిడెంట్, ఇల్లందు ఎమ్మెల్యే కోరం కనకయ్య, జిల్లా బాక్సింగ్ అసోసియేషన్ సెక్రటరీ మట్టపర్తి రమేష్, బాక్సింగ్ అసోసియేషన్ కోచ్ ఆర్. శ్రీనివాస్, సీనియర్ బాక్సింగ్ ప్లేయర్ మురారి విద్యార్థులను అభినందించారు.
