మళ్లీ కలిసిన మాజీ లవర్స్.. అందుకోసమేనా?

దిశ, సినిమా : సల్మాన్ ఖాన్, కత్రినా కైఫ్ కాంబినేషన్‌ అంటేనే సిల్వర్ స్ర్కీన్‌పై తెలియని మ్యాజిక్ ఉంటుంది. రియల్ లైఫ్‌లో కొంతకాలం వీరు ప్రేమలో ఉండటమే అందుకు కారణం. అయితే సల్మాన్‌తో కత్రినా విడిపోయి చాలా కాలమే అవుతున్నా.. ఈ జంటకు మాత్రం ఇప్పటికీ సెపరేట్ ఫ్యాన్ ఫాలోయింగ్ ఉంది. ‘టైగర్3’ చిత్రంలో ఈ మాజీ లవర్స్ మరోసారి కలిసి నటిస్తుండగా.. పాండమిక్ వల్ల కొంతకాలం వాయిదాపడ్డ షూటింగ్ ఇటీవలే ముంబైలోని వైఆర్‌ఎఫ్ స్టూడియోస్‌లో ప్రారంభమైంది.

అయితే, ఈ మధ్య సల్మాన్ ఫిజిక్‌పై సోషల్ మీడియాలో ట్రోల్స్ ఎక్కువైనందున తను బాడీ ఫిట్‌నెస్‌పై కాన్సంట్రేట్ చేసినట్లు తెలుస్తోంది. ఇక సినిమాలో కత్రినా లుక్‌ పైనా మూవీ యూనిట్ కేర్ తీసుకుంటోంది. పైగా డైరెక్టర్ మనీశ్ శర్మ.. మూవీలో రిస్కీ యాక్షన్ సీక్వెన్సెస్‌ ప్లాన్ చేశారని, అందుకే ఆగస్టులో ఓవర్‌సీస్ షెడ్యూల్ ప్రారంభమయ్యే నాటికి పర్ఫెక్ట్ ఫిట్‌నెస్ కోసం సల్మాన్, కత్రినా హార్డ్ వర్క్ చేస్తున్నట్టు తెలుస్తోంది. ‘ఏక్ తా టైగర్’ ఫ్రాంచైజ్ నుంచి ఇది మూడో సినిమా కాగా, ఇందులో ఇమ్రాన్ హష్మి విలన్ రోల్ ప్లే చేస్తున్నాడు. ఇక సల్మాన్ రా ఏజెంట్‌గా చేస్తున్న విషయం తెలిసిందే.