ఫాస్ట్ ఫుడ్ సెంటర్‌లో పండుగ దావత్.. మత్తులో రౌడీషీటర్‌ను చంపేశారు

దిశ, జగిత్యాల: జగిత్యాల జిల్లాలో పండుగపూట దారుణ హత్య కలకలం రేపింది. పట్టణంలోని హనుమాన్‌వాడకు చెందిన రౌడీ షీటర్ తోట శేఖర్ ( 30) అనే వ్యక్తి దారుణ హత్యకు గురి అయ్యాడు. హత్య చేసిన వ్యక్తి ప్రస్తుతం పోలీసుల అదుపులో ఉన్నట్లు సమాచారం. పోలీసులు తెలిపిన వివరాల ప్రకారం.. శుక్రవారం రాత్రి బీట్ బజార్‌లో ఓ ఫాస్ట్ ఫుడ్ సెంటర్‌లో విందు చేసుకున్నట్టు తెలుస్తోంది. మద్యం మత్తులో జరిగిన ఘర్షణలో చికెన్ సెంటర్‌లో వినియోగించే కత్తితో హంతకుడు ఈ దారుణానికి ఒడి గట్టాడని సమాచారం. పాత కక్ష్యలే కారణమని అనుమానాలు వ్యక్తమవుతున్నాయి. డీఎస్పీ ప్రకాష్ దర్యాప్తు పోలీసులు దర్యాప్తు చేస్తున్నారు.