కామారెడ్డిలో ఘోర రోడ్డు ప్రమాదం

దిశ, కామారెడ్డి రూరల్ : కామారెడ్డి జిల్లాలో ఘోర రోడ్డు ప్రమాదం జరిగింది. పండించిన మొక్క జొన్నలను ఆరబెట్టి ఇంటికి వెళ్తున్న రైతు మృతి చెందిన ఘటన జిల్లాలోని కామారెడ్డి మండలం టేక్రియాల్ శివారులోని చోటు చేసుకుంది. శివారులో ని 44వ నెంబర్ జాతీయ రహదారిపై సోమవారం రాత్రి టేక్రియాల్ గ్రామానికి చెందిన ఒడ్డెం రాజు (48) అనే రైతు బైపాస్ రోడ్డుపై మొక్కజొన్న లను ఆరబెట్టి ఇంటికి వెళ్తుండగా కామారెడ్డి నుంచి నిజామాబాద్ వైపు వెళ్తున్న కారు ఢీకొట్టడంతో అక్కడికక్కడే మృతి చెందాడు. మృతునికి భార్య లక్ష్మి, కొడుకు నిఖిల్, కూతురు ఉన్నారు. దేవునిపల్లి పోలీసులు కేసు నమోదు చేసుకొని దర్యాప్తు జరుపుతున్నారు.