బిగ్ బ్రేకింగ్.. రేవంత్ ఇంటి వద్ద ఉద్రిక్తత..

దిశ, వెబ్‌డెస్క్ : టీపీసీసీ అధ్యక్షులు, ఎంపీ రేవంత్ రెడ్డి ఇంటి వద్ద ఉద్రిక్తత చోటుచేసుకుంది. విద్యార్థి నిరుద్యోగ జంగ్ సైరన్ ర్యాలీ నేపథ్యంలో ఆయన ఇంటిని పోలీసులు చుట్టుముట్టారు. స్పెషల్ టాస్క్‌ఫోర్స్, పోలీసులు వందల సంఖ్యలో రేవంత్ రెడ్డి ఇంటి ముందు మోహరించారు. మధ్యాహ్నం 3 గంటల నుంచి దిల్‌సుఖ్‌నగర్‌లో విద్యార్థి నిరుద్యోగ జంగ్ సైరన్ ర్యాలీ ప్రారంభం కానుంది.

ఈ ర్యాలీలో రేవంత్ రెడ్డి, కాంగ్రెస్ శ్రేణులు, నిరుద్యోగులు పెద్ద ఎత్తున పాల్గొననున్నారు. ఇప్పటికే రాచకొండ కమిషనర్ మహేష్ భగవత్.. ర్యాలీకి అనుమతి లేదంటూ ప్రకటన చేసిన నేపథ్యంలో రేవంత్‌ను అడ్డుకునేందుకు పోలీసులు భారీ సంఖ్యలో ఆయన ఇంటి వద్ద మోహరించారు.