భారత్-పాక్ మ్యాచ్.. ఏకంగా 70 బిర్యానీలు ఆర్డర్ పెట్టిన ఫ్యామిలీ
దిశ, వెబ్‌డెస్క్: వన్డే వరల్డ్ కప్‌లో భాగంగా ఇండియా-పాకిస్తాన్ మధ్య జరిగిన మ్యాచ్‌లో టీమిండియా విజయకేతనం ఎగురవేసింది. వన్డే వరల్డ్ కప్‌లో ఇప్పటివరకు భారత్‌తో పాక్ ఒక మ్యాచ్ కూడా గెలవలేకపోయింది. దీంతో పాక్‌పై భారత్ పైచేయి సాధిస్తూనే ఉంది. శనివారం జరిగిన హైవోల్టేజ్ మ్యాచ్‌ను కోట్లాదిమంది టీవీలలో చూశారు. మధ్యాహ్నం నుంచి మ్యాచ్ ముగిసేవరకు టీవీలకే అతుక్కుపోయారు. రోహిత్ శర్మ అద్బుత ఇన్నింగ్స్‌ను చూసి ఫ్యాన్స్ థ్రిల్ అయ్యారు.
అయితే మ్యాచ్ చూసేందుకు చాలామంది తమకు ఇష్టమైన ఫుడ్ లేదా స్నాక్స్ ఆర్డర్ పెట్టుకుని తింటూ ఎంజాయ్ చేస్తూ ఉంటారు. అలాగే ఒక ఫ్యామిలీ మ్యాచ్ సందర్భంగా ఏకంగా 70 బిర్యానీలను ఆర్డర్ పెట్టింది. స్విగ్గీలో 70 బిర్యాలనీలను ఆర్డర్ పెట్టారు. ఈ విషయాన్ని ట్విట్టర్‌లో స్విగ్గీ తెలిపింది. గతంలో ఆసియా కప్ సందర్భంగా బెంగళూరుకు చెందిన ఓ మహిళ భారత్-పాకిస్తాన్ మ్యాచ్ జరుగుతున్న సమయంలో 62 బిర్యానీలు ఆర్డర్ పెట్టిన విషయం తెలిసిందే.
