Diljit Dosanjhకి షాకిచ్చిన తెలంగాణ సర్కార్.. కాన్సర్ట్లో ఆ పాటలు పాడొద్దంటూ నోటీస్
దిశ, వెబ్‌డెస్క్: హైదరాబాద్‌లో తన కాన్సర్ట్ నిర్వహించబోతున్న పంజాబీ స్టార్ సింగర్ దిల్జీత్ దోసాంజేకు తెలంగాణ సర్కార్ స్ట్రిక్ వార్నింగ్ ఇచ్చింది. ఎట్టి పరిస్థితుల్లోనూ మద్యం, డ్రగ్స్, హింసను ప్రేరేపించే ‘పటియాలా పగ్’, ‘పంజ్ తారా’ లాంటి పాటలు పాడకూడదని నోటీసులు జారీ చేసింది. చండీగఢ్‌కు చెందిన ధరన్‌రావ్ కంప్లైంట్‌ ఫైల్ చేసిన నేపథ్యంలో వెల్ఫేర్ ఆఫ్ వుమెన్ ఎండ్ చైల్డ్ విభాగంతోపాటు డిసేబుల్డ్ అండ్ సినియర్ సిటిజన్ విభాగం తరపున జిల్లా వెల్ఫేర్ ఆఫీసర్ ఈ నోటీసులను జారీ చేశారు. దిల్జిత్ దోసాంజ్‌కి మాత్రమే కాకుండా ఆయన కాన్‌సర్ట్‌ను హోస్ట్ చేస్తున్న నోవోటెల్ హోటల్‌కు ఈ నిబంధనలు అమలయ్యేలా చూడాలంటూ నోటీసులు జారీ చేశారు.
ఇదిలా ఉంటే, నవంబర్ 15న నిర్వహిస్తున్న ఈ కాన్సర్ట్ కోసం దిల్జిత్ ముందుగానే హైదరాబాద్ చేరుకున్నారు. హైదరాబాద్‌‌లోని చార్ మినార్‌ దగ్గర తిరిగి.. ఆటోలో తిరుగుతూ సరదాగా గడిపారు. ఈ మొత్తాన్ని వీడియో తీసి తన ఇన్‌స్టాగ్రామ్ ఖాతాలో షేర్ చేశారు. కాగా.. ప్రస్తుతం దిల్జిత్ దోసాంజ్ తన వరల్డ్ టూర్‌ కాన్సర్ట్లో ఉన్నారు. అందులో భాగంగానే ఇప్పటికే జైపూర్, ఢిల్లీలో కాన్‌సర్ట్స్‌ నిర్వహించిన దిల్జిత్.. UKలో కూడా ఓ కాన్సర్ట్ నిర్వహించాడు.
