నాందేడ్-శ్రీకాకుళం మధ్య ప్రత్యేక రైళ్లు

దిశ, వెబ్ డెస్క్ : స్వాతంత్ర్య దినోత్సవ వేడుకల వేళ ప్రయాణికుల రద్దీ దృష్టిలో ఉంచుకొని దక్షిణ మధ్య రైల్వే నాందేడ్-శ్రీకాకుళం మధ్య ప్రత్యేక రైళ్లను నడపనుంది. ఆగస్టు 14న నాందేడ్ శ్రీకాకుళం రోడ్ (07487) మధ్య ప్రత్యేక రైలు బుధవారం మధ్యాహ్నం 2 గంటలకు నాందేడ్ లో బయల్దేరి, మరుసటి రోజు మధ్యాహ్నం 12 గంటలకు శ్రీకాకుళం రోడ్ చేరుకుంటుంది. అలాగే ఆగస్టు 15న గురువారం సాయంత్రం 5 గంటలకు శ్రీకాకుళం రోడ్ నుండి బయల్దేరి, శుక్రవారం మధ్యాహ్నం 3 గంటలకు రైలు(07488) నాందేడ్ చేరుకోనుంది. థర్డ్ ఏసి స్లీపర్ కోచ్ లు మాత్రమే ఉండే ఈ రైలు ముద్కేడ్, ధరమాబాద్, బాసర, నిజామాబాద్. కామారెడ్డి, సికింద్రాబాద్, నల్గొండ, మిర్యాలగూడ, పిడుగురాళ్ల, సత్తెనపల్లి, గుంటూరు, విజయవాడ, ఏలూరు, తాడేపల్లిగూడెం, నిడదవోలు, రాజమండ్రి, సామర్లకోట, అన్నవరం, అనకాపల్లి, దువ్వాడ, సింహాచలం నార్త్, పెందుర్తి, విజయనగరం, చీపురుపల్లి స్టేషన్ల మీదుగా రాకపోకలు సాగిస్తుంది.