SHOCKING INCIDENT: ఇంటికి మరమ్మతు చేస్తుండగా షాకింగ్ ఘటన.. బాత్ టబ్ కింద ‘మరో ప్రపంచం’
దిశ, వెబ్డెస్క్: తవ్వకాల్లో పూర్వకాలం నాటి వస్తువులు కనిపించడం, ఇంటిలోని స్టోర్రూమ్ను శుభ్రం చేస్తుండగా లేదా ఇంటికి మరమ్మతులు చేస్తున్నప్పుడో మనకు అనుకోని రీతిలో పాతబడిన వస్తువులు కనిపిస్తే చాలా ఆశ్యర్చకరంగా అనిపిస్తుంది. కాగా ఆ వస్తువులను చూసినప్పుడు మనకు మనసులో ఆనందం కలుగుతుంది. వాటితో ఉన్న అనుబంధం గుర్తుకు వస్తుంది. ఇటువంటి ఘటనే తాజాగా ఓ జంటకు ఎదురైంది. అమెరికాలోని మిచిగాన్ స్టేట్కు చెందిన హేలీ గిల్మార్టిన్, ఆమె భర్త ట్రెవర్లు లేక్ హురాన్ సమీపంలో ఉంటున్నారు. వారు తమ ఇంటికి మరమ్మతులు చేయిస్తున్నారు. ఈ క్రమంలో వారు ఇంటిలోని ఒక బాత్ టబ్ను తొలగించాలని భావించారు. పనివారి చేత వారు ఆ బాత్ టబ్ను తొలగించగానే అక్కడ కనిపించిన దృశ్యం చూసి షాక్ తిన్నారు. బాత్టబ్ కింద కొంతవరకు నీటితో నిండిన ఒక గది కనిపించడంతో అక్కడున్నవారంతా అవాక్కయ్యారు. ఇది వారికి ఎంతో వింతగా అనిపించింది. ఆ భార్యాభర్తలు సాహసం చేసి, ఆ గదిలోనికి వెళ్లారు. నీటితో నిండిన ఆ గదిలో ఒకవైపు నుంచి మరోవైపునకు వెళ్లి గమనించారు. అది ఒక సరస్సుకు దారి తీసున్నదని వారిద్దరు కనుగొన్నారు. దీన్ని అప్పట్లో స్మగ్లింగ్కు వినియోగించేవారేమోనని వారు వెల్లడించారు. అయితే కేవలం వీరి ఇంటి వద్దే కాకుండా ఆ చుట్టుపక్కల ఇళ్లలోనూ ఇలాంటి సొరంగాలు ఉన్నట్లు హేలీ గిల్ మార్టిన్, ట్రైవర్ లేక్ హురాన్ గుర్తించారు. కాగా ఆ జంట ఆ బాత్ టబ్ను తొలగించి, ఆ ప్లేస్ను గేమ్ రూమ్గా మార్చాలనుకున్నారని చెప్పుకొచ్చారు.
