వాళ్ల సంబంధానికి కారణం కామం కాదు.. ప్రేమే.. హైకోర్టు కీలక తీర్పు

దిశ, నేషనల్ బ్యూరో : మైనర్ బాలికపై అత్యాచారం వ్యవహారంలో కేసును ఎదుర్కొంటున్న వ్యక్తికి బాంబే హైకోర్టు నాగ్‌పూర్ బెంచ్ బెయిల్‌ను మంజూరు చేసింది. ఆ వ్యక్తితో కలిసి పారిపోయిన బాలిక పోలీసులకు ఇచ్చిన వాంగ్మూలం ఆధారంగా కోర్టు ఈమేరకు తీర్పు ఇచ్చింది. ఈ కేసులో మైనర్ బాలిక, యువకుడి మధ్య సాగిన లైంగిక సంబంధం అనేది ప్రేమ వ్యవహారమే తప్ప.. కామం కానే కాదని స్పష్టం చేసింది. ఈ కేసులో నిందితుడిగా ఉన్న 26 ఏళ్ల యువకుడితో తనకు ప్రేమబంధమే ఉండేదని పోలీసులకు మైనర్ బాలిక సాక్ష్యం చెప్పింది. బాలికను బలవంతంగా తీసుకెళ్లినట్లుగా ఎలాంటి ఫిర్యాదులూ లేవన్న విషయాన్ని ప్రస్తావించిన కోర్టు.. యువకుడికి బెయిల్‌ను మంజూరు చేస్తూ తీర్పు ఇచ్చింది.