China : పరీక్షల్లో ఫెయిల్.. కత్తితో హల్‌చల్.. యువకుడి దాడిలో ఎనిమిది మంది మృతి

దిశ, నేషనల్ బ్యూరో : పరీక్షల్లో ఫెయిల్ అయ్యాననే అక్కసుతో ఆ యువకుడు (21) రగిలిపోయాడు. కాలేజీ క్యాంపస్‌లో క్లాస్‌మేట్లు, సీనియర్లు సహా తనకు కనిపించిన ప్రతి ఒక్కరిని విచక్షణారహితంగా కత్తితో పొడిచాడు. ఎదుటి వారు గాయంతో అల్లాడుతున్నా కనీస కనికరం చూపలేదు.

శనివారం సాయంత్రం చైనా(China)లోని వుషీ(Wuxi) నగరం ఇక్సింగ్ కౌంటీలో ఉన్న ‘వుషీ వొకేషనల్ ఇన్‌స్టిట్యూట్ ఆఫ్ ఆర్ట్స్ అండ్ టెక్నాలజీ’లో ఈ ఘటన చోటుచేసుకుంది. సదరు యువకుడి కత్తిపోట్లకు 8 మంది చనిపోయారు. 17 మందికి తీవ్ర గాయాలు కావడంతో సమీపంలోని ఆస్పత్రుల్లో అడ్మిట్ చేశారు. వెంటనే కాలేజీకి చేరుకున్న పోలీసులు సదరు యువకుడిని అదుపులోకి తీసుకున్నారు.