11 మంది అభ్యర్థులతో కాంగ్రెస్ మరో జాబితా..!
దిశ, నేషనల్ బ్యూరో: లోక్ సభ ఎన్నికల కోసం 11 మంది అభ్యర్థుల పేర్లను ప్రకటిస్తూ.. కాంగ్రెస్ మరో జాబితా విడుదల చేసింది. ఆంధ్రప్రదేశ్, ఝార్ఖండ్ లోక్ సభ స్థానాలకు అభ్యర్థులను నామినేట్ చేసింది. ఏపీలోని 9 స్థానాలకు అభ్యర్థులను ప్రకటించింది. ఝార్ఖండ్ లోని ఒక స్థానానికి అభ్యర్థి పేరుని ప్రకటించింది. కాగా.. ఝార్ఖండ్ లోని గొడ్డా లోక్ సభ స్థానానికి గతంలో దీపికా సింగ్ పాండే పేరుని ప్రకటించగా.. ఇప్పుడు ఆస్థానంలో ప్రదీప్ యాదవ్ పోటీ చేయనున్నట్లు స్పష్టం చేసింది కాంగ్రెస్ హై కమాండ్.
ఏపీలోని శ్రీకాకుళం నియోజకవర్గం నుంచి డా. పరమేశ్వర్ రావుని, విజయనగరం స్థానానికి బొబ్బిలి శ్రీనుని నామినేట్ చేసింది కాంగ్రెస్ అధిష్ఠానం. అమలాపురం స్థానంలో జంగా గౌతమ్, మచిలీపట్నం స్థానంలో గొల్లు కృష్ణ, విజయవాడ స్థానానికి వల్లూరు భార్గవ్ పోటీ చేయనున్నారు. ఒంగోలు నుంచి సుధాకర్ రెడ్డి, నంద్యాల నుంచి లక్ష్మీనరసింహ యాదవ్ లోక్ సభ ఎన్నికల బరిలో ఉన్నారు. అనంతపురం లోక్ సభ స్థానానికి మల్లికార్జున వజ్జల, హిందూపూర్ స్థానానికి బీఏ సమద్ షాహీన్ ను నామినేట్ చేసింది కాంగ్రెస్ హైకమాండ్. ఇకపోతే, ఝార్ఖండ్ లోని రాంచీ లోక్ సభ స్థానం నుంచి యశస్విని సహాయ్ పోటీ చేయనున్నారు.
