బ్రేకింగ్ న్యూస్.. ఎమ్మెల్సీ ఉప ఎన్నికకు షెడ్యూల్ విడుదల

దిశ, వెబ్ డెస్క్: ఆంధ్రప్రదేశ్ రాష్ట్రంలో మరో ఉప ఎన్నిక( by-election)కు షెడ్యూల్ విడుదలైంది. విజయనగరం జిల్లాలోని స్థానిక సంస్థల ఎమ్మెల్సీ(MLC).. నోటిఫికేషన్ ఈ నెల 4న ఎన్నికల సంఘం(Election Commission) విడుదల చేయనుంది. ఈ క్రమంలో షెడ్యూల్ ను విడుదల చేయగా.. ఈ నెల నాలుగు నుంచి 11 వరకు నామినేషన్ల స్వీకరణ, 12న నామినేషన్ల పరిశీలన ఉంటుంది. అలాగే ఈ ఉప ఎన్నికకు సంబంధించిన పోలింగ్ నవంబర్ 28 ఉదయం 8 గంటల నుంచి సాయంత్రం 4 గంటల వరకు జరగనుంది. అనంతరం ఓట్ల లెక్కింపు.. డిసెంబర్ 1 నిర్వహించనున్నారు. కాగా ఈ స్థానం నుంచి ఎమ్మెల్సీగా ఉన్న ఇందుకూరి రఘురాజు టీడీపీ(TDP)లో చేయడంతో అతనిపై మండలి ఛైర్మన్ అనర్హత వేటు వేయడంతో ఉప ఎన్నిక అనివార్యం అయింది. ఇదిలా అసెంబ్లీ ఎన్నికల తర్వాత వచ్చిన మొదటి ఉప ఎన్నికలో.. అధికార పార్టీ చివరి నిమిషంలో పోటీ నుంచి తప్పుకుంటున్నట్లు ప్రకటించిన విషయం తెలిసిందే. అయితే అసెంబ్లీ ఎన్నికల తర్వాత వస్తున్న మొదటి ఎన్నికలు కావడంతో అధికార పార్టీ ప్రత్యేక దృష్టి పెట్టినట్లు తెలుస్తుంది.