ఉత్తరప్రదేశ్ లో ఘోర ప్రమాదం.. ఆరుగురు మృతి

దిశ, నేషనల్ బ్యూరో: ఉత్త‌ర‌ప్ర‌దేశ్ లో ఘోర రోడ్డు ప్ర‌మాదం జ‌రిగింది. ఈ ప్రమాదంలో ఆరుగురు చనిపోయారు. మరొకరు తీవ్రంగా గాయపడ్డారు. బ్ర‌జ్‌ఘాట్ టోల్ ప్లాజా వ‌ద్ద కారు ట్రక్కుని ఢీకొంది. కారు అదుపుతప్పడంతో ట్రక్కును ఢీకొన్నట్లు అధికారులు తెలిపారు. సోమవారం అర్థరాత్రి ఈ ప్రమాదం జరిగింది. గాయపడిన వారిని మీరట్ హాస్పిటల్ కు తరలించారు అధికారులు. అర్ధరాత్రి 12.30 గంటలకు ప్రమాదం జరిగినట్లు మీరట్ ఎస్పీ అభిషేక్ వర్మ తెలిపారు. ఈ ప్రమాదంపై కేసు నమోదు చేసి దర్యాప్తు చేపట్టినట్లు వివరించారు.