బాలయ్యకు భయపడుతున్న నాని.. అదే కారణమా?
దిశ, సినిమా : నేచురల్ స్టార్ నాని హీరోగా తెరకెక్కుతున్న మూవీ ‘శ్యామ్ సింగరాయ్’. ఈ మూవీ రిలీజ్‌పై లేటెస్ట్ అప్‌డేట్ ఒకటి సోషల్ మీడియాలో చక్కర్లు కొడుతోంది. మూవీని డిసెంబర్ 24వ తేదీన విడుదల చేయబోతున్నట్టు మేకర్స్ ఇటీవలే అఫీషియల్‌గా ప్రకటించిన విషయం తెలిసిందే. అయితే ప్రస్తుతానికి సినిమా రిలీజ్‌ను వాయిదా వేసే ఆలోచనలో ఉన్నట్లు తెలుస్తోంది. బోయపాటి-బాలకృష్ణ కాంబినేషన్‌లో వస్తున్న ‘అఖండ’ సినిమా కూడా డిసెంబరు 24న విడుదలవుతుండటమే ఇందుకు కారణమని ఇండస్ట్రీ వర్గాల్లో చర్చ నడుస్తోంది.
కాగా ‘టాక్సీవాలా’ ఫేం రాహుల్ సాంకృత్యన్ దర్శకత్వంలో ఈ సినిమా రూపొందుతోంది. ఈ చిత్రాన్ని బోయనపల్లి నిర్మిస్తుండగా ఈ మూవీలో సాయిపల్లవి హీరోయిన్‌గా నటిస్తోంది. అంతేకాకుండా కృతి శెట్టి, మడోనా సెబాస్టియన్ కీలక పాత్రల్లో కనిపించనున్నారు. ఇక నాని కెరీర్‌లో భారీ బడ్జెట్ మూవీగా కూడా ఈ సినిమాకు క్రేజ్ పెరిగింది. దాంతో పాటుగా నాని కెరీర్‌లో చేస్తున్న మొట్టమొదటి హిస్టారికల్ బ్యాక్‌డ్రాప్‌ సినిమా కూడా ఇదే కావడం విశేషం.
- Tags
- Akhanda
