అవమానం..ట్రంప్ ప్రసంగం ప్రతిని చింపేసిన స్పీకర్
అమెరికన్ కాంగ్రెస్‌లో సంచలన ఘటన చోటుచేసుకుంది. అధ్యక్షుడు ట్రంప్ సాక్షిగా ఆయన ప్రసంగ ప్రతిని ప్రతినిధుల సభ స్పీకర్ చింపేసిన సంచలన ఘటన అమెరికాలో ఆసక్తి రేపుతోంది. ట్రంప్‌ను విమర్శించడంలో డెమొక్రాటిక్‌ పార్టీ నేత, ప్రతినిధుల సభ స్పీకర్ నాన్సీ పెలోసీ ముందుంటారు. ట్రంప్‌పై అభిశంసన తీర్మానం వీగిన అనంతరం ‘స్టేట్‌ ఆఫ్‌ ది యూనియన్‌’ ప్రసంగం ఇచ్చేందుకు వేదికపై వచ్చిన ట్రంప్‌ను సభకు పరిచయం చేయాల్సిన నాన్సీ.. మౌనంగా ఉన్నారు. దీంతో తన ప్రసంగ ప్రతిని నాన్సీ పెలోసికి ఇచ్చారు. ఆ సమయంలో ఆమె ట్రంప్‌తో కరచాలనం చేసేందుకు ప్రయత్నించగా, ట్రంప్ పట్టించుకోకుండా వెనక్కు తిరిగారు. దీంతో ఆమె ట్రంప్ ప్రసంగం ముగించే సమయంలో తన చేతిలోని ట్రంప్ ప్రసంగం ప్రతిని అడ్డంగా చించేశారు.
In GIF format for those who prefer. https://t.co/lLZGiDXI0r pic.twitter.com/g9pdHSUeNx
— Dan Linden (@DanLinden) February 5, 2020
