సంవత్సరం పూర్తి చేసుకున్న మెగాస్టార్ చిరంజీవి ‘వాల్తేరు వీరయ్య’
దిశ, సినిమా: టాలీవుడ్ అగ్ర హీరోలైన చిరంజీవి, ర‌వితేజ‌ల‌తో బాబీ సింహ తెర‌కెక్కించిన సినిమా ‘వాల్తేరు వీరయ్య’. పోయిన ఏడాది సంక్రాంతి పండుగకు రిలీజైన ఈ సినిమా బ్లాక్ బస్టర్ హిట్ సొంతం చేసుకుంది. ప్రపంచవ్యాప్తంగా దాదాపు రూ.230 కోట్ల గ్రాస్ వ‌సూళ్లను కొల్లగొట్టిందని చెప్పుకోవచ్చు. చాలా రోజుల తర్వాత మెగాస్టార్ ఈ మూవీతో సాలిడ్ హిట్ అందుకున్నారు. అభిమానులను ఆకట్టుకునేలా మాస్ అండ్ కమర్షియల్ ఎలిమెంట్స్‌తో పాటు ప్రేక్షకులకు నచ్చేలా ఎమెషనల్ కంటెంట్‌తో ఈ చిత్రాన్ని తెర‌కెక్కించారు. ఫిబ్రవరి 27 నుంచి ఈ మూవీ ప్రముఖ ఓటీటీ సంస్థ నెటిఫ్లిక్స్‌లో స్ట్రీమింగ్ అయ్యింది. ఓటీటీలో కూడా మెగాస్టార్ చిత్రం రికార్డులు క్రియేట్ చేసింది. అయితే జనవరి 13 న విడుదలైన ఈ సినిమా నిన్నటితో సంవత్సరం పూర్తి చేసుకుంది. కాగా మెగాస్టార్, రవితేజ ఫ్యాన్స్ సోషల్ మీడియాలో విషెష్ తెలియజేస్తున్నారు.
