విహారయాత్రకు గంజాయి తీసుకెళ్లిన బోల్డ్ బ్యూటీ.. షాక్ ఇచ్చిన పోలీసులు
దిశ, సినిమా: అమెరికన్ సూపర్ మోడల్ అండ్ టెలివిజన్ పర్సనాలిటీ జిగి హడిడ్ గంజాయి వెంట తీసుకెళ్తూ పోలీసులకు అడ్డంగా దొరికిపోయింది. ఇటీవల కేమాన్ దీవులలో విహారయాత్రకు వెళ్లిన బ్యూటీ తన వెంట మత్తు పదార్థాలు తీసుకెళ్తున్నట్లు గుర్తించిన కేమాన్ స్థానిక పోలీసులు ఆమెను అరెస్టు చేసినట్లు తెలిపారు. ఈ మేరకు జూలై 10న తన ఫ్రెండ్ నికోల్‌ మెక్‌కార్టీతో కలిసి అమెరికా నుంచి ప్రైవేట్‌ విమానంలో యూకేలోని కైమన్‌ ద్వీపానికి చేరుకుంది. అయితే ఓవెన్‌ రాబర్ట్స్‌ ఎయిర్‌పోర్ట్‌లో కస్టమ్స్‌ అధికారులు తనిఖీ చేయగా గంజాయి, దానిని తాగడానికి ఉపయోగించే వస్తువులు ఆమె వద్ద లభించినట్లు వెల్లడించిన పోలీసులు వెంటనే ఆమెను అరెస్టు చేసి న్యాయస్థానంలో హాజరుపరిచగా ఆ ఇద్దరూ నేరాన్ని అంగీకరించినట్లు తెలిపారు. ఇక వారికి $1,000 జరిమానా విధించి అనంతరం బెయిల్‌పై విడుదల చేశారు. అయితే వైద్యుల సూచన మేరకే జిగి హడిడ్ గంజాయితో ప్రయాణిస్తుదని ఆమె ప్రతినిధులు చెప్పడం విశేషం. కాగా ఈ వార్త హాట్ టాపిక్‌గా మారింది.
Read More: ఆ స్టార్ హీరోయిన్‌తో ఎఫైర్ ఉందంటూ Naga Shaurya కామెంట్స్ వైరల్!
