వెండితెరపై ఎంట్రీఇవ్వబోతున్న బుల్లితెర హీరో అమర్‌దీప్.. హీరోయిన్ ఎవరో తెలిస్తే షాక్ అవ్వాల్సిందే!
దిశ, సినిమా: సీరియల్ నటుడు అమర్‌దీప్.. నాగార్జున హోస్ట్‌గా వ్యవహరించిన బిగ్‌బాస్ సీజన్ -7 లోకి కంటెస్టెంట్‌గా హౌస్‌లోకి ఎంట్రీ.. తనదైన స్టైలో ఆట ఆడాడు. హౌస్‌లోకి అడుగుపెట్టిన మొదట్లో బాగా రాణించినప్పటికీ పోను పోను బిగ్‌బాస్ ఇచ్చిన టాస్క్‌లన్నీ సరిగ్గా ఆడలేకపోయాడు. ఇక అమర్‌దీప్ గ్రాఫ్ పడిపోయిందనుకున్న క్రమంలో చివర్లో బాగా ఆడి తన సత్తా ఏంటో చూపించాడు.
ఇక మాటిమాటికి ప్రశాంత్‌పై అరుస్తూ.. అతడ్ని టార్గెట్ చేసిన విషయం తెలిసిందే. కానీ ఆ ప్రయత్నం కాస్త బెడిసికొట్టింది. సోషల్ మీడియాలో అమర్‌దీప్ పై దారుణంగా ట్రోల్స్ చేశారు. ఈయన తల్లి కూడా స్పందించి.. నా కుమారుడి గురించి అలా మాట్లాడకండి ఫ్లీజ్ అంటూ జనాలను వేడుకుంది. లాస్ట్‌కు పల్లవి ప్రశాంత్ విన్నర్‌గా.. అమర్‌దీప్ రన్నర్‌గా నిలిచారు. ఇదంతా పక్కన పెడితే..
బుల్లితెరపై హీరోగా నటించిన అమర్‌దీప్ ప్రస్తుతం వెండితెరపై హీరోగా నటించే అవకాశాన్ని దక్కించుకున్నాడు. ఇక కథానాయికగా టాలీవుడ్ స్టార్ క్యారెక్టర్ ఆర్టిస్ట్ సురేఖా వాణి కుమార్తె సుప్రీతను ఎంపిక చేసుకున్నారు. ఈ చిత్రం ఓపెనింగ్ తో పాటు ‘ప్రొడక్షన్ నం.2’ పూజ కార్యక్రమం నేడు (ఫిబ్రవరి1) హైదరాబాదులోని ప్రసాద్ ల్యాబ్ వద్ద జరగనుందని చిత్ర బృందం ప్రకటించింది. M3 మీడియా బ్యానర్ లో, మహేంద్ర నాథ్ కొండ్ల నిర్మాణంలో ఈ మూవీ రూపొందుతుంది. ఇందులో సీనియర్ హీరో వినోద్ కుమార్, రాజా రవింద్ర లాంటి సీనియర్ నటులు కనిపించబోతున్నారు.
