కింగ్ నాగార్జున ‘నా సామిరంగ’ రివ్యూ

దిశ, సినిమా: కింగ్ నాగార్జున ప్రధాన పాత్రలో నటించిన ‘నా సామిరంగ’ ఇవాళ ప్రపంచ వ్యాప్తంగా ఘనంగా విడుదలైంది. అన్ని చోట్ల నుంచి ఈ చిత్రానికి పాజిటివ్ టాక్ వినిపిస్తోంది. ప్రీమియర్స్ వీక్షించిన అనంతరం ఫ్యాన్స్ సోషల్ మీడియా వేదికగా తమ అభిప్రాయాన్ని వ్యక్తం చేస్తున్నారు. తమ హీరో సరైన సంక్రాంతి సినిమాతో వచ్చాడని అక్కినేని ఫ్యాన్స్ హర్షం వ్యక్తం చేశారు. నాగార్జునతోపాటు ఇందులో నటించిన అల్లరి నరేష్, రాజ్ తరుణ్ కూడా అద్భుతంగా నటించారని పోస్టులు పెడుతున్నారు. ముగ్గురి హీరోల అల్లరి అద్భుతమైన హాస్యం పండించిందని చెబుతున్నారు. అయితే, ఇప్పటికే విడుదలైన టాలీవుడ్ సినిమాలు గుంటూరు కారం, హనుమాన్, సైంధవ్‌ల మాదిరి ‘నా సామిరంగ’ చిత్రానికి సరిగ్గా థియేటర్లు లేవని ఫ్యాన్స్ కాస్త నిరుత్సాహంగా ఉన్నట్లు తెలుస్తోంది.