నేరుగా OTT లోకి వచ్చేస్తున్న భారీ యాక్షన్ థ్రిల్లర్.. స్ట్రీమింగ్ ఎప్పుడంటే?
దిశ, సినిమా: హాలీవుడ్ స్టార్ డైరెక్టర్ జాక్ స్నైడర్ తెరకెక్కించిన నెట్ ఫ్లిక్స్ ఓటీటీ చిత్రం రెబల్ మూన్. సైన్స్ ఫిక్షన్ యాక్షన్ థ్రిల్లర్ గా వచ్చిన ఈ సినిమాలో సోఫియా బౌటెల్ల, ఎడ్ స్క్రీన్, మైఖేల్ హ్యూస్‌మన్, చార్లీ హున్నామ్, షార్లెట్ మాగీ, స్టాజ్ నాయర్, బే డూనా తదితరులు కీలక పాత్రలు పోషించారు. అయితే ఈ సినిమాకు సీక్వెల్ గా దర్శకుడు జాక్ స్నైడర్ ‘రెబల్ మూన్-2: ది స్కార్ గివర్ ను ప్రేక్షకుల ముందుకు తీసుకురావడానికి సిద్ధంగా ఉన్నాడు.
కాగా మొదటి భాగం అభిమానులను ఆకట్టుకోగా.. రెండో భాగం ను కూడా డైరెక్ట్ గా నెట్ ఫ్లిక్స్ లో విడుదల చేయబోతున్నాడు. కాగా హిందీ, తమిళం, కన్నడ, మలయాళంలో ఈ చిత్రాన్ని ఏప్రిల్ 19 వ తేదీన విడుదల చేయబోతున్నామని మేకర్స్ ప్రకటించారు. పార్ట్-1 ప్రేక్షకుల్లో ఆసక్తిని రేపగా రెండో పార్ట్ కోసం జనాలు ఈగర్ గా వెయిట్ చేస్తు్న్నారు.
