కేజీబీవీలో బోధనేతర సిబ్బంది కొరకు దరఖాస్తులు ఆహ్వానం!
దిశ,టేకులపల్లి : టేకులపల్లి కస్తూర్బా పాఠశాలలో బోధనేతర సిబ్బంది కొరకు దరఖాస్తులు ఆహ్వానిస్తున్నట్లు మండల విద్యాశాఖ అధికారి ఏ.జగన్ తెలిపారు.గురువారం మండల విద్యాశాఖ కార్యాలయంలో ఆయన మాట్లాడుతూ టేకులపల్లి మండల కేంద్రంలో ఉన్న కేజీబీవీ లో 2024-25 విద్యాసంవత్సరానికి సంబంధించి కాంట్రాక్ట్ ప్రాతిపదికన బోధనేతర సిబ్బంది అయిన డే వాచ్మెన్, అటెండర్ పోస్టులకు అర్హులైన మహిళ అభ్యర్థుల నుంచి దరఖాస్తులను ఆహ్వానిస్తున్నట్లు తెలిపారు.దీనికి సంబంధించిన దరఖాస్తులను టేకులపల్లి మండల విద్యాధికారి కార్యాలయం ఎంఆర్పీ నందు ఈ నెల 8 నుంచి 11వ తేదీ వరకు ప్రతి రోజు ఉదయం 10 గంటల నుంచి సాయంత్రం 5గంటల వరకు దరఖాస్తులు స్వీకరించబడును అని తెలిపారు. దరఖాస్తుకు ఎస్ఎస్సి మెమో, బైయోడేటా, క్యాస్తు, ఆధార్, రెసిడెన్షియల్ సర్టిఫికెట్ జిరాక్స్ కాపీలపై గెజిటెడ్ సిగ్నేచర్ తప్పనిసరిగా జతపరచాలని తెలిపారు.
