పెళ్లి షాపింగ్ కోసం ఆటోలో జర్నీ చేస్తోన్న రకుల్ ప్రీత్ సింగ్ (వీడియో)
దిశ, సినిమా: టాలీవుడ్ హీరోయిన్ రకుల్ ప్రీత్ గురించి ప్రత్యేకంగా పరిచయం అక్కర్లేదు. ఈ అమ్మడు ఐకాన్ స్టార్ అల్లు అర్జున్, మెగా పవర్ స్టార్ రామ్ చరణ్, మాస్ మహారాజా రవితేజ వంటి స్టార్ హీరోల సరసన నటించి టాలీవుడ్ ఇండస్ట్రీలో మంచి గుర్తింపు సంపాదించుకుంది. కొన్నేళ్ల పాటు స్టార్ హీరోయిన్ గా వెలుగొందిన ఈ బ్యూటీకి ప్రస్తుతం అవకాశాలు తగ్గాయి.
దీంతో ఈ అమ్మడు బాలీవుడ్‌కు చెక్కెసింది. అక్కడ కూడా పెద్దగా సినిమాల్లో అవకాశాలు దక్కలేదు. ఇకపోతే రకుల్ బాలీవుడ్ నటుడు జాకీ భగ్నానీతో కొంతకాలం లవ్ లో ఉండి.. ఇటీవలే పెళ్లి చేసుకోబోతున్నామంటూ అధికారికంగా వెల్లడించింది. దీంతో సోషల్ మీడియాలో ఫ్యాన్స్ కంగ్రాట్స్ చెబుతూ ఆనందం వ్యక్తం చేశారు. ఎట్టకేలకు రకుల్ ఈ ఏడాదిలో పెళ్లి చేసుకోబోతుంది. జాకీ భగ్నానీతో న్యూ లైఫ్ స్టార్ట్ చేయబోతుంది.
కాగా ఈ నెల (ఫిబ్రవరి) 21న రకుల్ ప్రీత్ సింగ్- జాకీ భగ్నానీ ల పెళ్లి గోవాలో జరగనుంది. ఇక వీరి వివాహానికి పది రోజుల సమయం మాత్రమే మిగిలి ఉంది. రకుల్ పెళ్లి షాపింగ్ మొదలుపెట్టింది. మరీ పెళ్లి షాపింగ్ అంటే కారులో వెళ్తుందని అందరూ భావిస్తారు. కానీ రకుల్ పెళ్లి షాపింగ్ కోసం తాజాగా ఆటోలో వెళ్తూ కనిపించింది. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఈ వీడియో చూసిన నెటిజన్లు.. రకుల్ సింప్లిసిటీని మెచ్చుకుంటూ ఈ హీరోయిన్ పై పొగడ్తల వర్షం కురిపిస్తున్నారు.
