Rade Krishna: ‘రాదే కృష్ణ’ మూవీ టీజర్ లాంచ్.. సెష్పల్ గెస్టులు ఎవరంటే?
దిశ, సినిమా: ఎస్ఎస్ సైదులు హీరోగా.. భమరాంబిక, అర్పిత హీరోయిన్లుగా వస్తున్న సినిమా ‘రాదే కృష్ణ’. ఎస్ వి క్రియేషన్స్ బ్యానర్‌పై ఊడుగు సుధాకర్ నిర్మాతగా ఇస్మాయిల్ షేక్ దర్శకత్వంలో తెరకెక్కిన ఈ సినిమాను తెలుగు, బంజారా రెండు భాషల్లో విడుదల చేస్తున్నారు. నేడు ఈ సినిమాకి సంబంధించిన టీజర్ లాంచ్ ఈవెంట్ గ్రాండ్‌గా జరిగింది. ఈ కార్యక్రమంలో ముఖ్య అతిథులుగా నిర్మాత బెక్కం వేణుగోపాల్, నిర్మాత రామ్ తల్లూరి, హీరో సోహెల్, ఆటో రాంప్రసాద్ విచ్చేశారు. ఈ సందర్భంగా నిర్మాత రామ్ తల్లూరి మాట్లాడుతూ.. ‘ఇది మా జిల్లాలో తీసిన సినిమా. టీజర్ బాగుంది పాటలు చాలా బాగున్నాయి. కొత్త వాళ్ళని ఎంకరేజ్ చేస్తే ఇంకా మంచి సినిమాలు వస్తాయి. ఈ మూవీ నిర్మాతకి డబ్బులు నటీనటులకి మంచి పేరు తీసుకురావాలని మనస్పూర్తిగా కోరుకుంటున్నాను’ అన్నారు.
సోహెల్ మాట్లాడుతూ ‘ఈ సినిమా టీం నాకు ఫ్యామిలీ లాంటిది. మా సైదుల్ని నిర్మాతని టీం ని సపోర్ట్ చేయడానికి వచ్చిన అందరికీ కృతజ్ఞతలు. కచ్చితంగా ఈ సినిమా అందరికీ నచ్చుతుంది మంచి సక్సెస్ అవుతుంది’ అన్నారు. ఆటో రాంప్రసాద్ మాట్లాడుతూ ‘నిజానికి ఈ సినిమాకి నాకు ఎలాంటి సంబంధం లేదు. కానీ గోపి గారు ఫోన్ చేసి ఈవెంట్ కి నన్ను ఆహ్వానించారు. టీజర్ చాలా బాగుంది. కచ్చితంగా ఈ సినిమా ఈ టీం కి మంచి పేరు సక్సెస్ తెచ్చిపెడుతుందని ఆశిస్తున్నాను అన్నారు’
